Айта кетейік, жоба бір жыл бұрын басталған болатын, ол кезде Бельгияның ғалымы, Назарбаев Университетінің оқытушысы Лоран Ришармен Орал қаласының "Жас геолог" ұйымынан хабарласқан болатын. 2018 жылдың наурыз айында Батыс Қазақстан облысында ихтиозаврдың сүйегі табылғаны белгілі болды. Сол кезде табылған затты зерттеу үшін ресейлік ғалым Владимир Ефимов шақырылды, ол табылған ихтиозавр теңізде өмір сүрген, барлық динозаврлардың ең көне түрі екенін айтты.
"Бізге Оралдан "Жас геолог" ұйымы арқылы хабарласып, ихтиозаврдың қаңқасын біздің Тау-кен ісі және жер туралы ғылымдар мектебімізде ұстауға мүдделіміз бе деп сұрады. Біз бірден Оралға ұшып барып, жәшіктердегі қаңқамен оралдық. Бұл бізге палеонтология сабақтарына қатысатын көптеген геолог студенттердің өз сабақтарында ихтиозаврдың қаңқасын жинауға мүмкіндігі бар деген мағынада бірегей білім беру жобасы бойынша жұмысты бастауға мүмкіндік берді", - деді Лоран Ришар.
Ол жобаның осы "геологиялық мұраның керемет бөлігін" Қазақстан шегінде сақтауға мүмкіндік беретінімен де маңызды екенін атап өтті. Әйтпесе, қалдықтар Ресейге жіберілуі мүмкін, ол жерден оны жеке коллекцияларға оңай сатылар еді деп, ғалым өз болжамдарымен бөлісті.
Профессор Қазақстанның палеонтологиялық нысандарын ел ішінде сақтау үшін швейцариялық Юра мұражайындағы әріптесімен одан әрі ынтымақтасуға ниетті.
"Біз басқа қалдықтарды да құтқаруды бастай аламыз. Мысалы, Қаратау ауданында Юра дәуіріндегі құстардың сүйектерін және басқа да көптеген әдемі құстарды кездестіруге болады, табылған нысандардың көпшілігі қазір Мәскеуде. Қазақстанда іс жүзінде ештеңе қалмады. Сондықтан, егер біз осындай жобалармен жұмыс істей бастасақ, мен әріптестеріммен бірге Қаратауға барып, құстарды іздесем, біз оларды осында, Қазақстанда сақтап, көпшілікке таныстыра аламыз", - деді сарапшы.
