Экология • 15 Қаңтар, 2021

Алтын Емел ұлттық паркіне инвесторды анықтауға ашық байқау жарияланды

11 рет көрсетілді

Алматы қаласында «Көлсай Көлдері», «Алтын Емел» және Шарын мемлекеттік ұлттық табиғи парктерінің  Қоғамдық кеңестері экологиялық туризмді дамытудың Тұжырымдамалары бойынша бірлескен жиналыс өткізді, деп хабарлайды Egemen.kz

Себебі ұлттық парктердің рекреациялық аумақтағы жерлерінде экотуризмді дамыту мақсатында, Ережеге сәйкес, тендерлік құжат жобасы алдын ала талқыланып, байқау ашық жариялануы тиіс.

Жиынды ашқан ҚР Экология, геология және табиғи ресурстар министрінің орынбасары Ерлан Нысанбаев ведомство Президент тапсырмасы бойынша экотуризмді өркендетудің кешенді шараларын жүзеге асырып жатқанын айтты.

«Экологиялық туризмді дамытудың Тұжырымдамалары таныстырылып, қоғаммен мақұлданды. Осыған байланысты қабылданған Тұжырымдамаға сәйкес, парктердің Бас жоспарларының экотуризм инфрақұрылымына қатысты жерлеріне өзгеріс енгізілді», деді вице-министр.

Үш ұлттық парктің басшылары Тұжырымдамаға сәйкес жүзеге асатын инфрақұрылым жобалары туралы баяндады. Олардың сөзінше, барлық парктер аумағында 2021-2023 жылдар аралығында визит-орталықтар, глэмпинг, кемпингтер, этно-қонақ үйлер, этноауылдар, көру алаңдарын және басқа да инфрақұрылым нысандарын салу жоспарланған. Барлық нысандар негізгі табиғи нысандарға зиян тигізбес үшін қашықтау жерде орналасады.

785

Инвесторларға ерекше қорғалатын аумақтар туралы Заңды сақтау, табиғи нысандарды бұзбай, қоршаған ортаны қорғау шараларына басымдық бере отырып жұмыс істеу талабы қойылады. Табиғатқа зиян келтіретін шаруашылыққа тыйым салынады.

Сонымен бірге жиында Қоғамдық кеңес мүшелері экотуризмді дамыту жобасын жүзеге асырушылардың жергілікті халықпен тығыз жұмыс істеуі тиістігі туралы айтты.

«Ұлттық парктер жанындағы Қоғамдық кеңестер қабылданған шешімдердің ашықтығын қамтамасыз ету мақсатында құрылды. Сондықтан Қоғамдық кеңес мүшелерінің пікірі кез келген шешім қабылданған кезде ескеріледі. Ұлттық парктердің жерлерін туристік және рекреациялық қызметті жүзеге асыру мақсатында ұзақ мерзімді пайдалануға беру бойынша құрылған конкурстық комиссиялар құрамына да Қоғамдық кеңестер мүшелері қосылады», деді Ерлан Нысанбаев.

Айта кетейік, ұлттық парктерде экотуризмді дамыту бойынша байқауға қызығулылық танытқан кез келген инвестор қатыса алады.

Соңғы жаңалықтар

«Nissan Primera» көлігі жылқы соқты

Аймақтар • Бүгін, 13:25

Ұстаздар үйіндегі қайырымдылық

Аймақтар • Бүгін, 10:15

Ақ халаттылардың абзал бейнесі

Руханият • Бүгін, 08:40

Алғашқы ойындағы сәтсіздік

Спорт • Бүгін, 08:39

Құсбегі

Руханият • Бүгін, 08:38

Жолаушыға жәутеңдеген жануар

Аймақтар • Бүгін, 08:37

Испанияда бақ сынауда

Спорт • Бүгін, 08:36

Беларусьтен басым түсті

Спорт • Бүгін, 08:35

Дордрехтегі дода

Спорт • Бүгін, 08:31

Қарағай үй қалпына келтіріледі

Аймақтар • Бүгін, 08:27

Сағат емес, секунд жұмсалады

Технология • Бүгін, 08:26

Ұқсас жаңалықтар