– Тамшылатып суару – суды, сондай-ақ өсімдіктерді зиянкестерден қорғайтын агрохимиялық тыңайтқыштарды тамырға тікелей әрі біркелкі жеткізу үшін қолданылатын өндірістік тәсіл. Қондырғы қақпақшаларының торымен құбырлардың, түтіктердің көмегімен су баяу тамшылайды, – дейді өнертапқыш оқушы Қажымұқан Мұқанов.
Ол Индер ауданындағы С.Сейфуллин атындағы мектепте оқиды. Сабақтан тыс уақытын оқушылардың шығармашылық орталығындағы «Шебер» үйірмесінде өткізеді. Үйірме жетекшісі Өтепқали Нәсіпқалидың айтуынша, Қажымұқан Мұқанов – ізденгіш бала.
– Біздің үйірмеміз оқушылардың сабақтан тыс уақытын тиімді ұйымдастыру мақсатында құрылған болатын. Мұнда оқушылар өз қабілетін шыңдап, ойға алған жобаларын іске асырады. Сондай оқушының қатарындағы Қажымұқан Мұқанов үйірмеге 2017 жылдан бері қатысады. Аудандық, облыстық сайыстарда бақ сынап, түрлі жүлдеге ие болып жүр, – дейді үйірме жетекшісі Өтепқали Нәсіпқали.
Атырау облысы
