Аймақтар • 19 Қаңтар, 2021

Түркістанда жылына 1 млн тұрмыстық техника шығарылады

29 рет көрсетілді

Түркістан облысының әкімі Өмірзақ Шөкеев Ташкент қаласының әкімі Джахонгир Артыкхуджаевпен кездесуінде Қазақстан мен Өзбекстан бірлесіп тұрмыстық техника шығаратын кәсіпорын ашу туралы келісімге келді, деп хабарлайды Egemen.kz

Artel компаниясы Түркістанда 1 млн-ға дейін газ плитасын шығарады. Жоба аясында 2 мыңнан астам жаңа жұмыс орны ашылады. Техника бағасы да тұтынушы үшін қолжетімді болмақ. Облысы әкімінің баспасөз қызметі хабарлағандай, жобаны жүзеге асыру барысында әкімдік тарапынан жан-жақты қолдау көрсетіледі.  «Достық қатынастарға негізделген Қазақстан – Өзбекстан ынтымақтастықтығы нығая түсуде. Бүгінгі жоба біраздан бері талқыланып келген. Бұл бірлескен жұмыстың басы ғана. Жалпы, өзбекстандық инвесторлар Түркістан қаласына бірнеше өндіріс орнын ашуға қызығушылық білдіріп отыр», деді облыс әкімі Өмірзақ Шөкеев кездесуде. Artel компаниясы Түркістан облысында асүй плиталарын, қалыптау бұйымдарын және электр су жылытқыштарын шығаратын зауыт салады. Айта кетелік, өткен жылдың соңында компания өкілдері Түркістан қаласына келіп, өңірдің инвестициялық ахуалы, экономикалық мүмкіндіктері және индустриалдық аймақтағы инвесторлар үшін жасалынған мүмкіндіктермен танысқан болатын.

Сонымен қатар Өзбекстан еліне сапары барысында облыс әкімі Өмірзақ Шөкеев Чиназ ауданында болып, тұрғындарды жұмыспен қамту мақсатында бой көтерген тоқыма өнімдерін шығаратын ірі тігін фабрикасының ашылу рәсіміне қатысты.

Соңғы жаңалықтар

Ұқсас жаңалықтар