Аймақтар • 19 Қаңтар, 2021

Түркістан облысында 5 адам қар құрсауынан құтқарылған

23 рет көрсетілді

Бүгінде Түркістан облысында күн жылы, таулы аудандарда ғана «қыстың сәнін» келтіріп қар жатыр. Ал қыс басталғалы бері жалпы 7 республикалық, облыстық маңыздағы автомобиль жолдарының жабылу оқиғалары орын алып, авариялық құтқару жұмыстарын жүргізу үшін 21 техника жұмылдырылған. Қар құрсауынан 5 адам құтқарылып, қауіпсіз жерге жеткізілген, деп хабарлайды Egemen.kz

Өңірлік коммуникациялар қызметінде өткен брифингте осындай деректер келтірген  Түркістан облысы ТЖД Төтенше жағдайларды жою басқармасының бастығы Талғат Досалиев барлық жолдар бақылауға алынғанын мәлімдеді.

«Өңірде республикалық және облыстық жолдардағы асулардағы 11 жылыту бекеттері төсек-орын, электр қозғалтқыштары және көмір-отындарымен қамтамасыз етілген. Жолдарды қардан тазалауға тұз себу, құм шашу жұмыстарына жалпы 550-ге жуық адам және 178 техника тартылған. Сондай-ақ 1400 дана «Тайғақ жол» белгілері орнатылған», деді Талғат Серікұлы.

75

Облыс аумағындағы 40 су қоймасының үшеуіне (Ақсүмбе, Бақырлы, Ащы) күрделі жөндеу жұмыстары жүргізілген. Көктемгі мезгілде су тасқынын болдырмау, алдын алу бойынша тиісті жұмыстар атқарылуда. Сырдария өзеніне және қауіпті учаскелерге жер үсті, әуеден шолу бойынша күнделікті мониторинг жұмыстары жүргізілуде.

Соңғы жаңалықтар

Ұқсас жаңалықтар