Автомобиль зауыты мен "Урал" АЗ сауда үйі басшылығымен кездесу барысында Түркістан облысында "Урал" брендімен жүк автомобильдері мен арнайы техниканы құрастыруды ұйымдастыру мүмкіндігі талқыланды. "Көп жылғы тәжірибені, сондай-ақ автомобиль зауытының айрықша имиджін ескере отырып, біз оларды өңірдің инвестициялық мүмкіндіктерімен танысу үшін Түркістан қаласына шақырдық. "Урал" компаниясының өкілдері жоғары қызығушылық таныта отырып, биыл ақпан айының екінші жартысында біздің өңірге жұмыс сапарымен келуге шешім қабылдады. Сонымен қатар Челябі облысы губернаторының орынбасары Ковальчук Егор Викторовичпен кездесу өткіздік. Үкімет мүшелерінің қатысуымен өткен жиын кезінде біз өңірлер арасында сауда-экономикалық қатынастар орнату мәселелерін ортаға салдық", дейді облыс әкімінің орынбасары Мейіржан Мырзалиев.
Мамандар екіжақты стратегиялық серіктестікті одан әрі нығайтуға және Челябі облысымен тығыз сауда-экономикалық қарым-қатынас орнатуға бағытталған сапар Түркістан өңірінде машина жасау саласының дамуына жаңа серпін беретінін айтуда.
