Аймақтар • 25 Қаңтар, 2021

Қарағандыда әйел адам өртенген үйдің үшінші қабатынан секіріп кетті

82 рет көрсетілді

Қарағанды қаласының шетіндегі ауылда өртенген тұрғын үйдің үшінші қабатынан әйел адам секіріп кетті, деп хабарлайды Egemen.kz

«24 қаңтарда сағат 06: 57-де Абай ауданы Дубовка ауылындағы пәтерден түтін шыққандығы туралы хабарлама келіп түсті. Өрт сөндіру бөлімдері келген уақытта пәтерден жалын шығып тұрды.

Өрт сөндірушілер 3-қабаттың терезесіне үш иінді баспалдақ орнатып, улы газдан зардап шеккен адамды құтқарды. Жалын жалпы ауданы 75 шаршы метрді шарпып, үш пәтердегі тұрмыстық заттар, жиһаз, ағаш еден өртеніп кеткен», делінген хабарламада. Өрт сөндіру бөлімшелері келгенге дейін әйел 3-қабаттан секіріп, омыртқасынан жарақат алған. Өртті сөндіруге облыстық ТЖД-ның 16 маманы мен 4 арнайы техникасы жұмылдырылды. Қазіргі мәлімет бойынша, өрттің шығуына ашық от көзі себеп болған.

 

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар