57 жастағы Арқалық қаласына қарасты Аққошқар ауылының тұрғыны Жарқынбек Сүлеймен полицейлер мен ТЖ бөлімінің қызметкерлеріне алғыс хат жолдады. Оның айтуынша, тәртіп сақшылары қиын сәтте көмекке келіп, өмірін аман сақтап қалған.
«Жарқынбек Сүлеймен «снегоходын» мініп, жоғалып кеткен малын іздеуге Жезқазған қаласына қарай бағыт алған. Орта жолда оның көлігі сынып қалады. Ұялы байланыс желісі болмаған соң көмек сұрай алмады. Далада адасып қалған азаматты тәртіп сақшылары іздеуге шықты. 250 шақырым жүрген полицейлер оны бір күн өткен соң тапты. Ж.Сүлеймен Арқалық қаласынан 95 шақырым жерде табылды», делінген ведомство хабарламасында.
Жарқынбек Сүлеймен аязды күні көмекке келген Арқалық қаласының полицейлері Дінмұрат Едресов пен Әлішер Шегебаевқа, сонымен қатар ТЖД қызметкерлеріне алғыс айтты.
