Бүгінгі таңда коронавирус инфекциясынан кейін денсаулықты қалпына келтіру және осы аурудың алдын алу бүкіл әлемде бұрынғыдан да өзекті болып тұр. Өз кезегінде, мұндай сұраныс санаториялық-курорттық демалыс пен медициналық туризмді дамытуға мүмкіндік береді.
Қазақстан өзінің бірегей рекреациялық ресурстарымен пост-ковид оңалту мақсатында санаториялық-курорттық демалысты ұйымдастыру бойынша ТМД көшбасшысы бола алады. Қолайлы климаттық жағдайлар, минералды су көздерінің және шипа балшық кен орындарының болуы Қазақстанның барлық өңірлерінде емдеу-сауықтыру аймақтарының дамуына ықпал етеді.
Короновирустан кейінгі оңалтудың сұранысы артып жатқанына байланысты Қазақстанның Ұлттық Курорттық қауымдастығы санаториялық-курорттық объектілерді зерттеу қорытындысын шығарып, COVID-19-ға шалдыққан адамдарды оңалту бойынша бағдарламалары бар 10 үздік санаторий анықтады. Мәселен, «Сарыағаш» курорттық аймағындағы санаторийлердің ішіндегі коронавирустан кейінгі оңалту бағдарламаларын ұсынатын ең үздігі және тиімдісі – «Алтынай» және «Қазақстан KZ» екені белгілі болды. Сондай-ақ бұл тізімге Түркістан облысындағы «Манкент» шипажайы да кірді.
Жамбыл облысында Merke Radon санаторийі және Жамбыл облысы әкімдігінің денсаулық сақтау ШЖҚ «Айша-бибі» МКК санаторийінің оңалту орталығы аталды. Бұдан басқа, Ұлттық Курорттық қауымдастықпен короновирустан кейінгі оңалту бағдарламалары бар мынадай санаториялық-курорттық объектілер аталғын: Алматыда – «Қазақстан» санаторийі және Altyn Kargaly қонақ үй-санаторийі; Алматыдан үш шақырым жерде, Іле Алатауының етегіндегі – Almaty Resort санаторийі; Ақмола облысында – «Оқжетпес» емдеу сауықтыру кешені; Батыс Қазақстан облысында – Nurbergen Health Resort санаторийі және Ақтөбе облысында – «Шипагер» санаторий – профилакториі.
Естеріңізге сала кетейік, Kazakh Tourism ұлттық компаниясы Қазақстанның Ұлттық Курорттық қауымдастығымен бірлесе курорттық аймақтардың айналасындағы инфрақұрылымның бар-жоғын және материалдық-техникалық жарақтандырылуын зерделей отырып, санаториялық-курорттық объектілерге зерттеу жүргізді. Онда 173 санаториялық-курорттық объектіге инспекция жүргізіліп, нәтижесінде жаңартылған тізілім, санаторийлер каталогы ұсынылды. www.kazakhstan.travel порталында жұмыс істеп тұрған санаторийлер туралы өзекті ақпарат орналастырылды, сондай-ақ бейнеролик шығарылды.
Рыбакина Майами турнирінің үшінші кезеңіне шықты
Спорт • Бүгін, 12:55
Өткен тәулікте 34 адамнан коронавирус анықталды
Коронавирус • Бүгін, 12:35
FIDE президенті Гран-приге қатысушылардан кешірім сұрады
Шахмат • Бүгін, 11:56
Әскери қызметші қошқарды 2050 рет көтеріп, жаңа рекорд орнатты
Спорт • Бүгін, 11:17
Бокс: Бүгін Ләззат Күнгейбаева алтын жүлде үшін сынға түседі
Спорт • Бүгін, 10:57
Тоғыз облыста ауа райына байланысты ескерту жарияланды
Ауа райы • Бүгін, 10:30
Ұқсас жаңалықтар
