Әлем • 28 Қаңтар, 2021

Аустралияда вирус жұқтырғандар тіркелмеді

3 рет көрсетілді

Аустралияның денсаулық сақтау өкілдері елде вирус жұқтырғандардың анықталмағанын хабарлады. Жексенбіде Жаңа Оңтүстік Уэльс пен Викториядағы қонақүй карантинінде шетелден келген төрт адамнан вирус табылғанына қарамастан, жергілікті тұрғындар арасында індет жұқтырғандар жоқ.

Аустралия өзге дамыған елдермен салыс­тырғанда пандемиямен тиімді күрес жүргізді. Шекараның жабылуы, лок­даун, жаппай тестілеу мен әлеумет­тік қа­шық­тықты сақтау шаралары өз нәти­же­сін берді. Өткен аптада 5 күн қатары­нан індет жұқтырған науқас тіркелмеген.

Жалпы бұл елде осыған дейін коронавирус жұқтырған 28 700 адам тіркеліп, 909 кісі қайтыс болған. Ал вакциналау жоспар бойынша ақпанда басталмақ.

Аустралия шекарасын биыл да толы­ғымен ашпайтынын мәлімдеген болатын. Осылайша елдегі вируспен күрес шараларын мамандар көп елге үлгі боларлық деп бағалап отыр. Бұл, әсіресе кәрі құрлықтағы жағдаймен салыстырғанда ертеңге деген үмітті күшейте түседі.

 

Соңғы жаңалықтар

Ұқсас жаңалықтар