Аймақтар • 28 Қаңтар, 2021

Түркістан облысында қар құрсауында қалған 40 отбасына көмек көрсетілді

271 рет
көрсетілді
1 мин
оқу үшін

Түркістан облысында қар құрсауында қалған отбасыларға көмек көрсетілді, деп хабарлайды  Еgemen.kz

 

Түркістан облысында қар құрсауында қалған 40 отбасына көмек көрсетілді

Кентау-Ащысай автокөлік жолдары өткен апта соңында ауа-райының күрт өзгеруіне байланысты уақытша жабылған болатын. Ауыл тұрғындары қар құрсауында қалып, қатынас қиындады. Осыған байланысты Кентау қаласы әкімдігінің ұйымдастыруымен, Түркістан облысы Төтенше жағдайлар департаментінің өкілдері және №12 ӨСБ жеке құрамы Ащысай ауылындағы таулы аумақтың тұрғындарына көмек қолын созған. Қолайсыз ауа-райы кезінде жол талғамайтын «КамАз» жүк көлігімен Ащысай ауылындағы 40 отбасын азық-түлікпен қамтамасыз етті.

Тұрғындардың қауіпсіздігін қамтамасыз ету мақсатында «Автокөлік иелерінің назарына, ұзақ жолға шықпауларын қатаң ескерту» тақырыбында - «Facebook», «Instagram», «Twitter», «WhatsApp»  интернет желілеріне бейнетүсірілім арқылы дауылды ескерту жөнінде хабарландырулар жарияланған. Алайда оған қарамастан алыс жолға шыққан тұрғындар қар құрсауында қалып, құтқарушылардың көмегіне жүгінген. Кентау қаласындағы №12 ӨСБ байланыс бекетіне жолда қалып қойған автокөлік иелерінен көмек сұраған қоңыраулар көбейген. Төтенше жағдайлар бөлімінің қызметкерлері және №12 ӨСБ жеке құрамымен жедел құтқару жұмыстары жүргізілді.