Шымкентте эпидемиологиялық жағдай тұрақты

Коронавирус • 28 Қаңтар, 2021

Шымкентте эпидемиологиялық жағдай тұрақты

22 рет көрсетілді

Шымкент қаласында ағымдағы эпидемиологиялық жағдай тұрақты. Алайда коронавирус инфекциясының таралуын болдырмау мақсатында сақтық шаралары күшейтіліп, алдын алу жұмыстары атқарылуда, деп хабарлайды Еgemen.kz

Egemen Qazaqstan

ҚР Премьер-Министрі А.Маминнің төрағалығымен өткен онлайн жиында Шымкент қаласындағы медицина мекемелерінің материалдық-техникалық базасы және эпидемиологиялық жағдай бойынша қала әкімі Мұрат Әйтенов мәлімдеді.

Қазіргі таңда қала тұрғындарына қызмет көрсететін 11 ПТР зертханасы жұмыс жасауда. Зертханаларда тәулігіне барлығы 6 250 тест жасау қуаттылығы бар. Жыл басынын бері 27 389 ПТР тест өткізілгенін, оның ішінде өткен тәулікте 1334 ПТР тест жасалғанын жеткізді.

Биыл материалдық-техникалық жабдықтауға 2,4 млрд. теңге бөлінген. Қазіргі таңда қала тұрғындарына барлығы 21 компьютерлік томография аппараттары қызмет етуде. Медициналық ұйымдарда 615 ИВЛ аппараты бар.

- Осы жылға бірыңғай дистрибьютор медициналық ұйымдармен дәрі-дәрмектермен қамтамасыз етуге 6,1 млрд теңгеге келісімшарттар түзілген. Бүгінгі таңда медициналық мекемелерге нақты 170 млн теңгеге дәрі-дәрмектер жеткізілді. Медициналық ұйымдарда COVID-19 індетіне қарсы екі айлық дәрілік заттар және медициналық бұйымдар қоры қалыптастырылды. Тұрақтандыру қоры шеңберінде бөлшек саудаға және медициналық ұйымдардың қорына арналған дәрі-дәрмектерді сатып алуға дәріханалар айналымына және қорларын толықтыруға 659 млн теңге бөлінді. Бүгінгі күні жалпы қаладағы эпидемиологиялық жағдай тұрақты, деп сөзін түйіндеді Мұрат Дүйсенбекұлы.

Күннің маңызды және өзекті жаңалықтарын «Егемен Қазақстан» телеграм каналынан оқыңыз