Саясат • 01 Ақпан, 2021

Игі бастамалармен ерекшеленген жыл

19 рет көрсетілді

Ақпарат және қоғамдық даму министрлігінің кеңей­тіл­ген алқа отырысы өтті. Онлайн форматта тікелей эфирден көрсетіліп, бейнеконференц-байланыс арқылы ұйымдастырылған жиын барысында ве­дом­ство­ның өткен жылы ат­қар­ған жұмыстары қо­ры­тын­дыланып, биылғы жос­парлары мен жобалары талқыланды.

Жиынға Премьер-Ми­нистр­дің орынбасары Ералы Тоғжанов, Президент Әкімшілігінің жауап­ты қызметкерлері, Парламент Се­­наты мен Мәжі­лісінің депутат­тары, Қоғамдық кеңестің, бұ­қаралық ақпарат құралдарының, үкіметтік емес ұйымдар мен діни бірлестіктер өкілдері қатысты.

Отырыс барысында сөз ал­ған­дар ақпарат пен қоғамдық да­му саласындағы  маңызды жоба­лар ту­ралы айтты. Азаматтық қо­­ғам саласында атқарылған жұ­мыс­тар туралы вице-министр Бо­лат Тілепов, ақпараттық жұмыс жә­не медиа саланы дамыту туралы вице-министр Кемелбек Ой­шы­баев, жастар және отбасылық сая­­сат саласында атқарылған жұ­мыстар жөнінде вице-министр Асхат Оралов баяндама жасады, сон­­дай-ақ Дін істері комитетінің төр­­ағасы Ержан Нүкежанов сөз сөйледі.

Бұдан бөлек, Қазақстанның Азаматтық Альян­сының пре­зи­денті Бану Нұрғазиева, «Ata­meken Business» бас директоры Қанат Сахариянов пандемия ке­зіндегі азаматтық қоғамды да­мытудың өзек­ті мәселелері, ақ­параттық сала­ның дамуы жөнін­де өз ұсыныстары мен пікірлерін жеткізді.

Ақпарат және қоғамдық да­му министрі Аида Балаева өз сө­зінде 2020 жылғы негізгі нәти­же­лер мен министрліктің 2021 жыл­ға арналған міндеттерін атап өтті. Оның айтуынша, 2020 жы­лы министрліктің алды­на қо­­йыл­­ған барлық мін­дет коро­на­­ви­рус­тық пандемияға байла­ныс­ты өз­­герістерді ескере отырып то­лық­тай жүзеге асырылды.

– Мемлекеттің негізгі идеоло­гиялық орган­да­ры­ның бірі ретін­де біздің министрлікке жүктел­ген міндеттердің орны ерекше. Ве­домство тікелей жауап беретін екі үлкен бағыт – ақпа­раттық сая­сат пен қоғамдық қатынастар. Екеуі де ел Президенті ерекше сеніп тапсырған, жауап­кершілігі мол сан түрлі саладан тұрады. Ең бас­тысы – елдің рухани кемелдігі мен саяси тұрақ­тылығы, қоғамдық берекесі мен бастаған істің баян­дылығы көп жағдайда осы біздің министр­ліктің жұмысына байланысты. Бұл жауап­кершілікті біз жақсы түсінеміз, салмағын сезінеміз, – деді Аида Балаева.

Ведомство басшысы ел Пре­зи­денті алға қой­ған маңызды мәсе­лелерге де тоқталып, соның ішін­де «Халық үніне құлақ асатын мем­лекет» тұжырымдама­сын іске асы­рудың айрықша ма­­ңыз­дылығын алға тартты. «Мем­ле­кет басшы­сының «Халық үні­не құлақ асатын мемлекет» тұ­жы­рымдамасын жүзеге асыру – әрбір мемле­кеттік органның тікелей міндеті. Әрине, бұл тұжырымдама бойынша мемле­кет тек «тың­даушы» ғана емес, қа­жет ақпаратқа жалпақ жұрт­тың қо­лын жеткізіп, әрдайым өзара бай­ланыста болуды көздейді. Мұ­ның бәрі, сөз жоқ, халыққа бір та­бан жақындауда 2020 жылға бере­тін оң баға деп білемін», деді Аида Балаева.

Министрдің айтуынша, қо­ғам­дық көңіл күйді тұрақ­тан­дырудың шешуші факторларының бірі – жал­ған ақпаратты жедел теріске шығару және халықты stop­fake.kz және coronavirus2020.kz сайттарында КВИ даму динамикасы мен ауқымы туралы үнемі хабардар ету болып отыр. «Министр­лік өткен жылы журналистердің білік­тілігін арттыру және қайта даярлау курсын, сондай-ақ сала­лық журналистиканы дамытуды бастады. Қазіргі уақытта бұл бас­тамалар жүзеге асырылып жатыр», деді Аида Балаева.

Ведомство басшысы мемле­кеттік ақпараттық тапсырыс­тар­­ды берудің жаңа ережелері, БАҚ туралы жаңа заңды әзір­леу және телеарналарда отандық ақ­параттық контент үлесін арттыру бойынша жүргізілген жұ­мыстарға да тоқталды. Атап айт­қанда, 2020 жылы шетел­дік контент 30 пайыз­ға қысқар­тыл­­ған. «Мақсат – мем­лекеттің бір­ыңғай ақпараттық сая­сатының заңнамалық қамтамасыз етілген тетіктерін қалыптастыру. Осы орайда БАҚ туралы жаңа заң 2022 жылы әзірленіп, қабылдануы үшін биыл осы заң жоба­сы­ның тұ­жырымдамасы кеңінен талқы­лау­ға ұсынылады», деді министр.

Сонымен қатар Аида Ба­лаева келесі аптада облыстарда он­лайн режімде де, офлайн ре­жім­де де ұйымдастырылатын «Ми­нистрлік күндері» басталатынын айтты. Осы іс-шаралар аясында барлық облыс тұрғындарын мем­лекеттік орган жүргізіп жат­қан жұмыстармен таныстыру жоспарлануда.

Министрдің айтуынша, аза­мат­тық қоғам­мен тығыз байланыс орнату – министрлік құзы­рын­дағы негізгі салалардың бірі. Өткен жылы 27 тамызда Мемлекет бас­­­­­шысының Жарлығымен Аза­маттық қоғамды дамыту тұжы­рымдамасы қабылданған болатын.

«Бұл құжат еліміздегі аза­мат­­­тық секторды дамытудың ал­­­­дағы он жылға арналған негіз­гі стра­­тегиялық бағыттарын ай­қын­­­­дайды. Оның үлкен бір бө­лімі –  сапалы заң шығару. Бұл ретте, өздеріңіз білесіздер, Қо­ғам­­­­дық кеңес­тердің мүмкіндігін кеңейтетін және мұндай Кеңес­терді квазимемлекеттік секторда да құруды міндет­тейтін заңға қол қойылды. Бүгінде «Қоғамдық ба­қы­лау туралы» жаңа заң жобасы мен оған ілеспе «онлайн-петиция» туралы толықтырулар қоғамда қы­зу талқыдан өтіп жатыр», деді Аида Балаева.

Ведомство басшысы волон­тер­лердің қызметі өткен жылмен ғана шектелмей, әрі қарай жал­ға­сын табатынын да атап айтты. «Мем­лекет басшысының бастамасымен жарияланған Волонтер жылы еріктілер қозғалысының дамуына тың серпін берген жасампаз жоба болды. Сондықтан да ел Президенті Үкіметке бұл жұмысты тұрақты түрде жалғастыруды тапсырды. Қазір арнайы Жол картасы жасақталып, іске асыруға дайын. Мұның өзі  Волонтерлік ұғымының ауқымы кең және ол бір жылмен немесе бір жоба аясында ғана шектелмейтіндігін көр­сетеді», деді Аида Балаева.

Алқа отырысын қорытынды­лай келе, Үкі­мет басшысының орынбасары Ералы Тоғжанов минис­трлік басшылығына бір­қатар тап­сырма бер­ді. Вице-Премьер өз сө­зінде Қазақстан Тә­уел­­сізді­гінің 30 жылдығын мере­келеу жө­нін­дегі республикалық жос­пар аясындағы іс-шаралар­дың жо­ғары деңгейде өтуін қамтамасыз ету ма­ңызды екенін атап өтті. «Жос­пар­ланған іс-шараларды жо­ғары деңгейде іске асы­руға күш салып, тәуелсіздік жылдары қол жет­­кізілген нәтижелерімізді ел ішін­де де, халық­аралық деңгейде де көрсете білуіміз керек», деді Ералы Тоғжанов.

Алқа отырысының соңында Аида Балаева жиында айтылған барлық ұсыныс ескеріліп, берілген тапсырмалар бұлжытпай іске асырылатынын жеткізді.

 

Соңғы жаңалықтар

Асыл ағаның шарапаты

Руханият • Кеше

Құймақұлақ

Руханият • 26 Қазан, 2021

Қоғамның бітеу жарасы

Қоғам • 26 Қазан, 2021

Газ бағасы неге қымбат?

Аймақтар • 26 Қазан, 2021

Франция тізгіні үшін тайталас

Саясат • 26 Қазан, 2021

Ербосынұлын ауыр сынақ күтіп тұр

Кәсіпқой бокс • 26 Қазан, 2021

Ұқсас жаңалықтар