Аталған ұсыныс қолдау тапқанымен, алайда сметаны қайта қарау керек екен. Себебі, құжат бойынша шағын білім беру нысанының жобалық құны 830 миллион теңгені құрап отыр. Мұның өз кезегінде сұрақ туындатпай қоймайтыны айтылды.
Сондай-ақ, Бірлесу-Еңбек ауылына да балабақша керек екен. Жиында бұл мәселенің де шешімі табылып, жөндеуден өткізілген соң ескі мектеп ғимаратында мектепке дейінгі мекеме ашылатын болды. Ал, Шоқай ауылында демеушілер есебінен ауылдық клуб салынады. Енді аталған мәселелер қаншалықты оң шешім табатынын алдағы уақыт көрсетеді.
