– 28 қаңтарда Павлодар қаласының полицейлеріне қонақ үйлердің бірінің әкімшісі жүгініп, аталған қонақ үй тұрғынының 26 қаңтарда бөлмесінен шығып, жоғалып кеткенін хабарлады. Аталған факт бойынша бағдарлар дереу барлық аумақтық бөлімшелерге жіберілді. Жоғалған адам қоңырауларға жауап бермегендіктен, жедел уәкілдер іздеу шараларының барлық кешенін өткізді. Полицейлер ер адамның 2020 жылдың 18 желтоқсанында қайтыс болған анасының пәтерін сату мақсатында Ресей Федерациясының Тула облысынан Павлодар қаласына келгенін анықтады. Желтоқсан айының соңында пәтерді сатқан ер адам пәтер сатқан ақшасын банкке салған, – деді Павлодар облысы Полиция департаменті Криминалдық полиция басқармасының бастығы Балғабай Қапаров.
Әрі қарай өткізілген жедел-іздестіру іс-шараларының нәтижесінде Павлодар облысы Полиция департаментінің Криминалдық полиция басқармасының қызметкерлері Ресей Федерациясы азаматының облыстық психикалық денсаулық орталығында ем қабылдап жатқанын анықтады.
