Қалыптасқан жағдайға байланысты өңірдегі 5 мектеп қашықтан оқыту тәртібіне көшті. Еліміздің солтүстігі әлі де қызыл аймақта қалып отыр.
«Үшінші тоқсанның басынан бастап коронавирус 189 мектеп оқушысынан анықталды. Олардың 106-сы офлайн тәртібінде білім алған. Сол себептен, Есіл ауданындағы Заградовская орта мектебі, Қызылжар ауданының Соколовка және Озерное ауылдарындағы мектептер, М.Жұмабаев ауданындағы – Қарағанды орта мектебі мен Булаево мектеп-бақшасы қашықтық режиміне ауыстырылды», деді облыстық санитарлық-эпидемиялық бақылау департаментінің басшысы Әсет Жұматаев.
