«Мемлекет басшысы Қасым-Жомарт Тоқаев «Таза табиғат» жобасын әзірлеуге тапсырма берді. Бұл бастама еліміздің «жасыл желек қорының» әрі қарай көбеюіне серпін беретініне сенемін.
Халқымыз үшін Наурыз мерекесін тойлау - әрқашан ерекше оқиға. Бұл мейрам кезінде табиғатқа қайтарым ретінде мейлінше көп ағаш отырғызып, айналаны көркейту шараларын өткізу керек. Табиғатқа, жануарларға деген жанашырлықты ұмытпауға тиіспіз. Президент тапсырмасымен біз қоғамда экологиялық мәдениет қалыптастыру мақсатындағы көгалдандыру, қоршаған ортаны қорғау, экологиялық туризмді дамыту шараларын жалғастырамыз. Жалпы елдің экологиялық ахуалын жақсарту жұмыстары тоқтаусыз жүреді», деп атап өтті ведомство басшысы.
