Жуырда елордада қазақстандық «Дода» көркем фильмінің тұсаукесері өтті. Фильм Ұлттық спорт түрлері қауымдастығының тапсырысымен, «Самұрық-Қазына» Ұлттық әл-ауқат қоры мен «Нұр Отан» партиясының қолдауымен түсірілген.
Жуырда елордада қазақстандық «Дода» көркем фильмінің тұсаукесері өтті. Фильм Ұлттық спорт түрлері қауымдастығының тапсырысымен, «Самұрық-Қазына» Ұлттық әл-ауқат қоры мен «Нұр Отан» партиясының қолдауымен түсірілген.
«Шапағат Сервис» компаниясы түсірген фильмнің бас режиссері – Елдар Қапаров, бас продюсері – Артықбек Болғанбаев. Басты рөлдерде Нышанбек Жұбанаев, Еркебұлан Дайыров және Айгерім Құламбаевалар ойнаған.
«Ұлттық ойын көкпар мен отбасы құндылықтарын дәріптеу фильмнің негізгі идеясы етіп алынған. Біз құқық қорғау органдарының нақты түсірілімдерін пайдалана отырып детективті сюжет жасауды шештік. Сондай-ақ, жолдағы ірі қылмыстар, үлкен жүк көліктерін тонаудың қойылымдық түсірілімдері жүргізілді. Кинотуындыда махаббат та, спорт та, шынайы достық та бейнеленеді. Режиссер ретінде мен үшін техникалық жұмыстар қызғылықты болды, өйткені, жұмыстың 90 пайызы ашық аспан астында жүргізілді», – деді режиссер Елдар Қапаров.
Қазақстандық көрермендер «Дода» картинасын жаңа жылдың басында көре алады. Фильмнің премьерасы 2014 жылғы қаңтардың соңына белгіленген.
«Егемен-ақпарат».
