«Полиция департаменті қалада жол қауіпсіздігін қамтамасыз етуге ерекше назар аударуда. Бұл бағыт ерекше бақылауға алынған. 2020 жылы жүргізілген жұмыстардың нәтижесінде жол-көлік оқиғаларының саны 25,9% -ға азайды. Жәбірленушілермен болған жол-көлік оқиғаларының саны 27,7% -ға, оның ішінде балалармен байланысты 2,4 есеге азайды», деді Қанат Таймерденов.
Бұдан соң ол әкімдік жол қозғалысын басқаруды жетілдіру мен жол қауіпсіздігін арттырудың 2021-2023 жылдарға арналған кешенді жоспарын бекіткендігін хабарлады.
«Шаһардағы апаттарды азайту мақсатында “Vision Zero Almaty” жобасы мен Кешенді жоспар аясында 2021 жылы 70 реттелетін және реттелмейтін жаяу жүргіншілер өткелдерін, сондай-ақ, 40 бағдаршам нысандарын салу жоспарланған. Сонымен қатар үш мыңнан астам жол белгілері орнатылып, ауыстырылады. Іске асырылып жатқан шаралар апаттардың деңгейін 15-20% төмендетуге және экологиялық жағдайды 10% дейін жақсартуға мүмкіндік береді», деп қорытындылады ол.
