Оны Жамбыл ауданы полиция бөлімінің табиғатты қорғау полицейлері анықтаған. Олар ауылдардың бірінде үйдің маңынан жіліктеп бөлінген сібір елігінің етін көрген. Аңның терісінде оқ іздері болған. Жануарды заңсыз атып алғаны үшін ауданның 46 жастағы тұрғыны ұсталды. Аталған факті Сотқа дейінгі тергеп-тексерудің бірыңғай тізіліміне ҚР Қылмыстық кодексінің 337-бабы «Заңсызаңшылық» бойынша енгізілді. Күдіктіге қатысты міндетті келу түріндегі мәжбүрлеу шарасы тағайындалды.
Жануардың қалған мүшелері, «Рысь» қарда жүргіші, 12 калибрлі «ИЖ-43Е» және«ТОЗ-87» аңшы мылтықтары, оқ-дәрілер, басқа да құрал-жабдықтар алынды. Күдіктімен бірге тағы екі ауыл тұрғыны болған. Қазіргі уақытта болған оқиғаның мән-жайын толық және объективті анықтауға бағытталған сотқа дейінгі тергеу жүргізілуде.
Жыл басынан облыста балық аулау қағидаларының 37 бұзушылығы және аң аулаудың 122 бұзушылығы анықталды. Табиғи ресурстарды браконьерлік жолмен табуға қарсы іс-қимыл жасау– полиция жұмысындағы маңызды бағыттардың бірі.
Солтүстік Қазақстан облысы
