Дархан Қыдырәлі қоғамдағы сыбайлас жемқорлыққа қарсы мәдениет қалыптастыру тақырыбында өрбіген ашық диалогта жемқорлықпен күресте бұқаралық ақпарат құралдарының жауапкершілігі турасында айтып өтті.
«Қазіргі ақпарат ағынында жұртшылық жемқорлық фактілері туралы дер кезінде хабардар болып отырады. Одан тілшілер қауымының белсенді жұмыс істеп жүргенін аңғаруға болады. Сыбайлас жемқорлық – қоғамның жегі құрты. Кең тараған індет. Ал індетпен күресуде тек салдарына үңілмей, себебімен күресу маңызды. Бұл тұрғыда БАҚ-қа үлкен жауапкершілік жүктелген. Сондықтан біз «Egemen Qazaqstan» газетінде «Адалдық алаңы» деп аталатын жаңа айдар ашуды жоспарлап отырмыз», деді ол.
Айта кетейік, «AntikorLive» жобасы ҚР Сыбайлас жемқорлыққа қарсы іс-қимыл агенттігінің әлеуметтік желідегі ресми парақшаларында, тікелей эфир форматында өтті.
