![Қызылордада үй өртеніп, 1 жасар бала қайтыс болды](/media/2021/02/18/ed6a2da1-780a-41f1-bc48-b4b41ba98e39.jpeg)
Өрт бүгін, 18 ақпанда сағат 00.50 шамасында болды. Облыс орталығындағы Кызылжарма шағын ауданы аумағында тұрғын үйде өрт шыққан.
«Өрт орнына облыстық төтенше жағдайлар департаментінен 4 техникамен 16 қызметкер барды. Жалынға оранған үй ішінен әйел мен төрт қызы шығып үлгерген. Жалын 01.23-те толығымен сөндірілді. Үйден 2019 жылы дүниеге келген шарананың мәйіті табылды. Өрттің шығу себебі тексеріліп жатыр», деп мәлімдеді Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінен.