Облыстық төтенше жағдай департаментінің мәліметінше, өңірде көлік жолдарындағы қозғалысты шектейтін 16 бекет қойылған.
«Қарлы боранның күшеюуіне байланысты автокөлік жолдарында төтеншге жағдай департаментінің 27 техникасы мен 44 құтқарушысы кезекшілк етеді. Облыстағы автокөлік жолдарының қар басып, жолдың жабылып қалу қаупі бар тұстарына 27 жылыну пункті қойылған. Бұл орындарда жолда қалып қойған жолаушылардың жылынып, тынығуына жағдай жасалған», деп мәлімдеді облыстық ТЖД-ның баспасөз қызметі.
Мұның сыртында, ТЖД-ның 16 қуатты техникасы мен 39 құтқарушыдан құралған қосымша күші дайын тұр. Бұлар төтенше жағдай орын алған жерлерге жіберіледі.
