![Алматы тұрғындары студенттер үйін салуға қарсы](/media/2021/02/19/upu.jpg)
«Күн өткен сайын серуендейтін жеріміз қалмай барады. Саябақтың қақ ортасына жасыл желекті қырқып, орнына жатақхана салғалы жатыр», деп шу шығарды. Олардың піркінше, басқа жер жетпей қалғандай саябаққа студенттер үйін салу еш қисынға келмейді.
Жауаптылар саябақтың орнына студенттер үйінің бой көтеретінін растады. Тұрғындардың айтуынша, онсызда парк ішіне әскери кафедраларын көшіріп әкелген Абай атындағы ҰПУ жатақхана салса, серуендейтін жеріміз қалмайды деп уәждерін айтты. Оған қоса саябақ қоқысқа толып кетпесіне кім кепіл? деп сенімсіздіктерін білдірді.
Бүгінде жоғары оқу орнына тиесілі мекеменің жобалық құжаты да дайын екен. Онда 327 орынға арналған 6 қабатты жатақхана салынбақ.
Ал университет басшылығының айтуынша, саябақ меншігі оқу ордасына тиесілі болғандықтан, жатақхана салу туралы 2018 жылы шешіліп қойған. Құрылыс барысына инвесторда табылған-ды. Оқу орнының проректоры Ғабит Дулатов 1 наурызда бұл мәселе тұрғындар талқысына салынатынын, шешімін таппай жатқан жағдайда әкімдіктен басқа аумақ сұрайтынын жеткізді.