Аймақтар • 22 Ақпан, 2021

Сапар орталығы салынады

22 рет көрсетілді

«Әзірет Сұлтан» мемлекеттік тарихи-мәдени қорық-музейі­нің баспасөз қызметі жолдаған мәліметіне сүйенсек, көп кешік­пей Түркістан қаласындағы Жүсіп ата кесенесі аума­ғына демеушілер есебінен Сапар орталығы салынбақ екен.

Қазіргі таңда жаңа нысан­ның жобалау құжаттары да­йын тұр. Жақын арада құры­лыс жұмыстары басталады. Ғи­ма­­рат төрт бөлмеден тұра­ды, яғни әкім­шілік, музей экспо­зи­­­циясы, қонақ бөлмесі және ша­руашылық орындары қа­рас­тырылған. Сон­дай-ақ бұл ор­та­лықта саяхатшылар мен зия­рат­шыларға қызмет көр­сетудің ар­найы тетігі де қарас­тырылған.

«Сапар орталығының салынуы «Әзірет Сұлтан» мем­­лекеттік тарихи-мәдени қо­­рық-музейін дамыту, қо­рық-музейге қарасты тарихи-мә­­дени ескерткіштерді қай­та жаңғырту жұмыстары қата­­­­рына жатады. Бұл іс өз орайын­да еліміздегі туризм са­ла­­сын дамытуға зор сер­пі­ліс бе­рері анық», дейді мекеме бас­шысы Нұрболат Ахмет­жанов.

Қолда бар тарихи деректер мен аңыз-әфсаналарға сүйен­сек, Жүсіп ата Қожа Ахмет Ясауидің замандасы әрі шәкірті болғандығы айты­лады. Оның кесенесі Түркістан қаласынан 25 ша­қырым жердегі Ескі Иқан елді мекенінде орналасқан. Жергілікті маңызы бар бұл нысанға 2005 жылы архео­логиялық зерттеулер жүр­гі­зіліп, құрылыстың іргесі ХV ғасырда қаланғандығы анықталған көрінеді.

Соңғы жаңалықтар

Алматыда эпидахуал мәз емес

Аймақтар • Бүгін, 18:02

Тұрғын үй бағасы қашан тұрақтайды

Қазақстан • Бүгін, 15:55

Қазақстанда күн қайта суытады

Ауа райы • Бүгін, 10:43

Ұқсас жаңалықтар