Әмина Ахметованың айтуынша, өткен жылдың наурыз айында, демек, елде жаппай карантин жарияланған кезде, олардың өзара бөлінген міндеттері болған. Коронавирустың таралуына жол бермеу бойынша қарқынды жұмыс бір жылға жуық уақытқа созылады.
– Осы уақыт ішінде біз күнделікті мониторингтік жұмыстарды жүргіздік, науқастарды және байланыста болғандарды, сонымен қатар, шетелден келгендерді бақыладық, үй ошақтарында кезекшілікте болдық, күндіз және карантинге жабылған үйлердің жанында шатыр тігіп сонда түнедік, - деді Әмина Ахметова.
Шатырда өте салқын болды, Алмалы ауданының эпидемиологтары жеке қорғаныс құралдарынмен қорғап және бір уақытта жылытып отырды, ал беттерінде әрқашан екі маскада жүрді. Осылайша олар бірнеше ай жұмыс істеді. Карантинге жабылған үйлердің тұрғындары карантин шараларын бұзбауын, сондай-ақ, дезинфекция процесін, жеке қорғаныс құралдарының қаншалықты дұрыс пайдаланылатынын, әлеуметтік қашықтық сақталатындығын және тағы басқаларын бақылап отырды.
Мұның бәрі Алматы қаласының эпидемиологтары үшін жаңалық болды, өйткені бұрын қазіргі әлемде коронавирусқа ұқсас аурулар болмаған. Сонымен қатар, өз бетімен оқуға тура келді, Әмина Ахметова шетелдік әріптестерінен ақпарат алып, интернетте өз тәжірибесімен бөлісіп, тікелей эфирде сөйлеген болатын.
– Бұған не әсер еткенін білмеймін, бірақ Қазақстанға келгенімде мен коронавируспен ауырмадым. Бұл пациенттермен үйде жұмыс жасауды ескере отырып. Шамасы, дұрыс таңдалған және қолданылған жеке қорғаныс шаралары оң нәтиже береді, - деді Әмина Дүйсебекқызы.
Әмина Дүйсебекқызы карантин шаралары туралы айта отырып, Желтоқсан көшесіндегі көп пәтерлі үйдің байланыста болған тұрғындарының бірі өзінің қызына ұсыныс жасау үшін үй карантинінен қалай қашқанын есіне алды.
– Жас жігіт жоспарланған оқиғаны кейінге қалдырғысы келмеді. Біз оған өзінің сүйіктісіне жұқтыру қаупін төндіретінін түсіндірдік. Бірақ та, біздің ескертулеріміз бекер болды, жігіт үй карантинін бұзды. Мұндай мысалдар өте көп, - деді Әмина Ахметова.
Қазіргі уақытта эпидемиологтар мен санитариялық дәрігерлер әдеттегі жұмыс ырғағына көшуде, бірақ карантин әлі жойылған жоқ. Бүгінде олар карантиндік шараларды бұзушылар туралы ақпарат беретін мониторингтік топтардың өкілдерімен тығыз байланыста жұмыс істейді. Негізінен бұл бизнес өкілдері.
– Тәртіп бұзушылар бізге карантинді сақтайтындықтары туралы қатты сеніммен келгенде, мен өткен жылы коронавируспен күресте жоғалтқан дәрігерлерімді еске аламын. Олар науқастарды құтқарып, өз өмірлерін қиды, ал біреулер ережелерді бұзуды әлі күнге дейін жалғастыруда, - деп ағынан жарылды Әмина Ахметова.
