Қоғам • 02 Наурыз, 2021

Қай елдерге әуе рейсі көбейеді?

12 рет көрсетілді

2021 жылдың 24 ақпанынан бастап еліміз Түркістан қала­сынан Ыстан­бұлға халық­ара­лық рейстерді ашты. «Air Astana» және SCAT әуе компания­лары бұл бағытта аптасына төрт рейс орындайды.

Индустрия және инфрақұ­ры­лымдық даму министрлігі тиісті шешімнің эпидемиялық жағ­дай­дың өзгеруіне және Қазақстан Рес­публикасының аумағында коронавирус инфекциясының пайда болуы мен таралуына жол бермеу жөніндегі ведомствоаралық комиссияның шешіміне байланысты қабыл­данғанын айтады.

Аталған шешім аясында Өзбек­стан, Қырғызстан және Украи­наға да рейстер санын арттыруға рұқсат етілген. Алматы – Ташкент – Алматы бағытында аптасына 4-тен 8 рейске дейін ұлғайды (Air Astana мен Uzbekistan Airways 2 рейсі қосылады). Алматы – Бішкек – Алматы бағытында аптасына 3-тен 5 рейске дейін (Air Astana 2 рейсі қосылады). Сонымен қатар Алматы – Киев – Алматы бағытында аптасына 1-ден 2 рейске дейін (Air Astana 1 рейсі қосылады) артады.

Рейстер санитарлық-эпиде­мия­лық талаптарды қатаң сақтай отырып, әуе компа­нияларының сайттарында жарияланған кес­теге сәйкес орындалады.

 

Соңғы жаңалықтар

Ербосынұлын ауыр сынақ күтіп тұр

Кәсіпқой бокс • Бүгін, 18:55

Ақмола облысында мектеп өртенді

Аймақтар • Бүгін, 15:29

Чарло шайқасқа шақырудан шаршамайды

Кәсіпқой бокс • Бүгін, 13:27

Ұқсас жаңалықтар