Семейде «жедел жәрдем» ауруханасы, Зырянда 80 пәтерлік үй берілді
Жаңа жыл қарсаңында Семей қаласында облыс әкімі Бердібек Сапарбаев салтанатты жағдайда құны 10 миллиард теңге тұратын «жедел жәрдем» ауруханасын ашты.
Семейде «жедел жәрдем» ауруханасы, Зырянда 80 пәтерлік үй берілді
Жаңа жыл қарсаңында Семей қаласында облыс әкімі Бердібек Сапарбаев салтанатты жағдайда құны 10 миллиард теңге тұратын «жедел жәрдем» ауруханасын ашты.
Оған Денсаулық сақтау вице-министрі Ерік Байжүнісов қатысты. Бұл – «100 мектеп, 100 аурухана» бағдарламасы бойынша жүзеге асқан ірі жоба. «Қуанышпен барлық семейліктерді құттықтаймын, алдағы уақытта Семейде онкологиялық диспансер, балаларға арналған туберкулезге қарсы емдейтін емхана салынады, демек, Семейде «медициналық кластер бірінші болып жүзеге асады, – деді жиында өңір басшысы. 325 төсектік емхананың құрал-жабдықтарына ғана 2 миллиард 800 миллион теңге жұмсалыпты.
Жаңа жыл қарсаңында Зырян қаласында «Қолжетімді баспана – 2020» бағдарламасы бойынша 80 пәтерлік тұрғын үй пайдалануға берілді. Аудан әкімі Ермак Сәлімов сенбі күні бұл пәтерлердің кілтін жастарға, ардагерлерге, дәрігерлер мен ұстаздарға табыс етіп, келер жылы тағы да тұрғын үй салынатынынан хабардар етті.
Оңдасын ЕЛУБАЙ,
«Егемен Қазақстан».
Шығыс Қазақстан облысы.
