Әлеуметтік қызметкерлер үйде жеке басты қарттарды және ерекше қажеттілігі бар балаларды күтумен айналысады.
Атап айтқанда, әлеуметтік көмек көрсету бөлімінде есепте тұрған 29 жалғызбасты қарт пен ерекше қажеттілігі бар 90 бала және 18 жастан асқан 5 ерекше қажеттілігі бар азамат әлеуметтік қызметке жүгінген.
Көрсетіліп жатқан көмектер қатарында әлеуметтік-тұрмыстық қызметтер мен әлеуметтік-медициналық, әлеуметтік-психологиялық қызмет түрлері бар.
Сонымен бірге, 18 жастан асқан ерекше қажеттілігі бар жандар мен қарттарға үй жағдайында көрсетілетін әлеуметтік-еңбек қызметтеріне, қызмет алушылар мен олардың отбасы мүшелеріне үйдегі еңбекті ұйымдастыру мәселесі жөнінде консультация беру сынды жұмыстар жасалып жатыр.
Бұдан өзге, мерекелер мен тынығу іс-шараларын ұйымдастыру мен әлеуметтік-құқықтық қызметтерде көмек қолын созу, әлеуметтік-экономикалық мәселелерді шешуде білікті және тиімді көмек көрсету жүйелі жүзеге асырылып жатыр.
