Қазақстандықтар жеңілдік сертификаты арқылы 6 мыңға жуық жаңа көлік сатып алды

Қазақстан • 04 Наурыз, 2021

Қазақстандықтар жеңілдік сертификаты арқылы 6 мыңға жуық жаңа көлік сатып алды

10 рет көрсетілді

ӨКМ Операторы ескі көлікті сертификатқа қабылдау бағдарламасының 2020 жылы жүргізген жұмысына қорытынды жасады, деп хабарлайды Egemen.kz.

Жанболат Кенжеғұл

Өткен жылдың нәтижесі бойынша қазақстандықтар тозығы жеткен 8 651 техниканы жеңілдік сертификаттарына айырбастаған. Соның нәтижесінде қазақстандық автоөндірушілерден су жаңа көлік құралдарын немесе ауылшаруашылық техникаларын сатып алу кезінде жеңілдік сертификатын пайдаланған.

Айталық осы бағдарлама бойынша былтыр 5 352 жеңіл автокөлік, 415 бірлік жүк көлігі, жолаушылар тасымалдайтын 12 көлік және 2 дана агротехника сатып алынды. Осы машиналарды сатып алу үшін 11 076 жеңілдік сертификаты қолданылған.

2020 жылы жеңілдік сертификаты арқылы саудаланған көліктердің көшін Hyundai маркасы бастап тұр. Одан кейін Ravon мен Lada маркасы орналасқан. Kia мен Chevrolet үздік бестікті түйіндеп отыр.

Жаңа техника сатып алуға жеңілдік беретін сертификат бағдарламасы биыл да өз жалғасын табуда. Былтырдан бастап агротехниканы жоюға қабылдау басталған болатын. Тозығы жеткен ауылшарушылық техникасын тапсырғандарға берілетін жеңілдік сертификатының құны агротехниканың (өздігінен жүретін) түрі мен жиынтығына байланысты 560 мың теңгеден 2 миллион теңгеге дейін бағаланады.

Жеңілдік сертификатын отандық автоқұрастырушыдан су жаңа ауыл шаруашылығы техникасын немесе елімізде шығарылған жеңіл, жүк және жолаушылар көлігін сатып алатын кезінде пайдалануға болады. Айта кету керек бір көлік сатып алғанда 2 сертификатты біріктіріп қолдануға болады. Жеңілдік сертификаты тіркелген күннен бастап 12 айға жарамды.

Жеңілдік сертификаты арқылы жаңа көлік сатып алуға болатын машина маркалары мен модельдер тізімі

Автоөндіруші	Марка	Модель түрлері
Ø Hyundai Trans Kazakhstan	Hyundai	Santa Fe, Palisade, Elantra, Sonata, Tucson ix35, Creta, Accent
Ø Daewoo Bus Kazakhstan	ЛиАЗ	5292, 4292, 5293
	ПАЗ	3203, 3204
	ГАЗ	3221, А6, 2217
	Daewoo	BH 120
Ø «СемАЗ» ЖШС	Газ	3302, 2705, 2310, 2752, А, А6, 3308
	Shacman	SX3258, SX5258
	Dong Feng	BWC6665GA5
	УРАЛ	6929Z, 6929M, 6929H, 6929V, 5701,5702, 5703, 5704, 6701, 6702, 6703, 6704, 5301, 5302, 6301, 6302, 6401, 6402, 5705, 6705, 6706,
Ø «Сарыаркаавтопром» ЖШС	Chevrolet	Tracker, Tahoe, Trailblazer, Traverse, Malibu, Cobalt, Nexia (R2,R3,R4), Labo, Damas DLX, Damas VAN, Spark, Niva
	Hyundai	Tucson, Elantra, Santa Fe, Sonata, Creta, Accent
	JAC	S3, S5, S7, J7, T6, N721, N350, X200
	Ravon	Nexia (R2,R3,R4)
	УАЗ	3163, 2206, 3962, 2924, 2363, 3303, 3741, 3909
Ø Қостанай Трактор Заводы	Кировец	К-730, К-735, К-739, К-742
Ø АгроМашХолдинг	Lovol	TE-354, TB-604, TD-904, TD-1304
	Кировец	К-730, К-735, К-739, К-742
	Essil	КЗС-730, КЗС-740, КЗС-750, КЗС-760, КЗС-790
	КСК	600-03
Ø Композит Групп	Беларус	112-Н-01, 132-Н-01, 132Н, 132МТ, 152, 320.4, 422, 422.1, 622, 80Х, 80.1, 82.1, 892, 892.2, 920, 920.2, 921, 921.3, 952, 952.2, 1025, 1025.2, 1025.3, 1221.2, 1221.2Т, 1523, 1523В, 2022.3, 2103, 3522
Ø КАИК ЖШС	Беларус	80.1, 82.1, 892, 892.2, 952, 952.2, 1221.2, 2375, 2400
	ACROS (комбайн)	585, 595 Plus
	TORUM (комбайн)	750