Коронавирус • 09 Наурыз, 2021

Жалған ПТР тест анықтамасын сатқандар ұсталды

32 рет көрсетілді

Күдіктілерден тұрғындардың ПТР тестін өткендігі туралы 60 құжат табылып, жалған анықтамаларды басып шығарған компьютерлік техника мен мөр тәркіленген, деп хабарлайды Еgemen.kz

Қызылорда облысы бойынша сыбайлас жемқорлыққа қарсы іс-қимыл департаментінің мамандары азаматтарға жалған анықтамаларды саудалап келген дәрігерлерді анықтады. Олар коронавирус жұқтырмағанын дәлелдейтін ПТР сынаманы 7 мың теңгеге бағалаған.

«Тергеу барысында екі азаматшадан 37 мөр тәркіленді. Бұл іске қанша адамның қатысы барын анықтайтын боламыз», деді облыс бойынша сыбайлас жемқорлыққа қарсы іс-қимыл департаменті басшысының орынбасары Сұлтан Пірметов.

Жалған анықтама жасаушы қызметкерлер екі медициналық мекеменің өкілдері болып шықты. Бірақ олар бір-бірімен тығыз байланыста, ұйымдасқан түрде жұмыс істеген. «Ақ халаттағылардың қылмысына байланысты тергеу басталды. Олар былтырдан бері ПТР-сынамасының теріс нәтижесі көрсетілген жалған анықтамаларды сатып келген. Негізінен вахталық жұмысшыларға, саяхатқа шығушыларға және басқа да мақсатта пайдалану үшін анықтамалар берілген», дейді агенттіктің ерекше маңызды істер жөніндегі тергеушісі Данияр Биғайдаров.

Сондай-ақ олар Ұлттық сараптама орталығының аймақтық бөлімшесінің лауазымды тұлғаларына пара беру арқылы заңсыз сыйақы алғаны белгілі болды.

Соңғы жаңалықтар

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар