Аймақтар • 10 Наурыз, 2021

Ақтауда дезинсекциядан кейін екі тұрғын қайтыс болды

10 рет көрсетілді

Ақтау қаласының бас санитар дәрігері Әсима Жарылғасова тұрғындарды үй жағдайында өз бетінше дезинсекция жасамауға шақырды, деп хабарлайды Egemen.kz.

Облысының қоғамдық коммуникация орталығында өткен брифингте Ақтау қаласының бас санитар дәрігері 1, 2, 3-кластағы химиялық заттармен тек арнайы лицензиясы бар мамандардың дезинсекция жасауына болатынын айтты. Оның айтуынша жағдайында өз бетінше 4-санаттағы препараттармен жұмыс істеуге рұқсат етілген.

«Жалпы заласыздандыру жұмыстары міндетті түрде республикалық реестр тізімінде бар препараттармен жүргізіледі. Яғни, сол тізімде жоқ заттарды республика аймағында пайдалануға қатаң тыйым салынған. Реестр тізімі интернет желісінде бар», деді Ә. Жарылғасова.

Оның айтуынша, жақында Ақтау қаласының екі тұрғыны химиялық уланудан қайтыс болған. Құзырлы органдар анықтағандай Ақтау қаласының тұрғыны «Квикфос» препаратымен (жәндіктерге қарсы препарат) көршілерін ескертпестен өз пәтерін дезинсекциялайды. Пәтерін залалсыздандырып болған соң, үйін кілттеп басқа шағынауданға кеткен. Кейін көршілерінің денсаулығы нашарлай бастаған. Салдарынан көрші әйел мен оның қызы көз жұмды.

Бас санитардың сөзіне сенсек, өңірде жәндіктерді улау препараттарын үй жағдайында қолданып, салдарынан болған қайғылы оқиға фактілері 2017, 2018, 2019 жылдары тіркелген.

«Қаладағы барлық тұрғын үйлердің тазалығына жауапты мекемелерде заласыздандырумен айналысатын ұйымдардың тізімі бар. Мәселен, Ақтауда тазалау жұмыстарын жүргізуге рұқсаты бар 8 мекеме жұмыс істейді. Қала тұрғындары кез-келген уақытта арнайы ұйымдардың қызметіне жүгіне алады. Егер үйде зарарсыздандыру жүргізілсе, тұрғындар міндетті түрде оны көршілеріне ескертіп, подъезге хабарландыру ілуі қажет. Бұл – улану жағдайларының алдын алады», - деді ол.

Соңғы жаңалықтар

Оралда тұрғын үй өртенді

Аймақтар • Бүгін, 13:45

Рубль бағамы 6 теңгеден асып кетті

Экономика • Бүгін, 12:23

Жеті өңір «жасыл» аймақта

Қазақстан • Бүгін, 09:08

1459 адам коронавирустан жазылып шықты

Коронавирус • Бүгін, 09:04

1642 адамнан коронавирус анықталды

Коронавирус • Бүгін, 09:00

Өрт сөндіру бекеті ашылды

Аймақтар • Бүгін, 08:50

Спорт жаңалықтарына шолу

Спорт • Бүгін, 08:49

Басқа басылымдарға шолу

Әлем • Бүгін, 08:32

Алаш аманатына адал жан

Қазақстан • Бүгін, 08:21

Ұқсас жаңалықтар