Салдарынан облыстың Бәйдібек, Отырар, Ордабасы аудандары және Кентау, Арыс қалаларының кей елді мекендерінде электр тасымалдау желілері үзілген.
Қазіргі уақытта «Оңтүстік Жарық» мекемесінің жедел-құтқару жасағы электр желілерін қайта қалпына келтіру жұмыстарын жүргізіліп жатыр. Бұл аумақтарда 20-дан астам бригада, 100-ден астам адам, 30-дан астам техника жұмылдырылған. Орын алған жағдай облыс әкімі Өмірзақ Шөкеевтің бақылауында. Барлық мүдделі органдардың қатысуымен штаб құрылды. Жоғарыда аталған аудан, қала әкімдері құтқару қызметінің барлық техникалары дайын екенін мәлім етті.
