Естеріңізге сала кетейік, Талдықорған қалалық құрылыс бөлімінің басшысы көшенің қақ ортасында әйелін ұрып, видеоға түсіп қалған болатын. Дәл осы шенеунік ішімдік ішкен күйінде қызметтік көлік жүргізіп, полицейлерге ұсталған.
Соңынан белгілі болғандай, қалалық әкімдіктің бірнеше қызметкері бас қосып, қоғамдық орындардың бірінде отырған. Отырыстағы әңгіме арты дауға ұласады. 13 наурыз күні түнгі 24:00 – 01.00 шамасында түсірілген видео бойынша қызметтік тексеру жүрігізіп, қорытындысы жарияланды.
«Талдықорған қаласы әкімінің орынбасары С.А.Арзанбековаға өзіне жүктелген функционалдық міндеттерді тиісінше орындамағаны үшін «қатаң сөгіс» түріндегі тәртіптік жаза қолданылды. «Талдықорған қаласының құрылыс бөлімі» ММ-нің басшысы М.А.Нұрғалиевті жұмыстан босатылды. «Талдықорған қаласының кәсіпкерлік бөлімі» ММ-нің басшысы Н.А. Қалиахметовке өзіне жүктелген функционалдық міндеттерді тиісінше орындамағаны үшін «қызметке толық сәйкес еместігі» түріндегі тәртіптік жаза, «Талдықорған қаласының экономика және бюджеттік жоспарлау бөлімі» ММ-нің басшысының орынбасары А.С. Пенге тәртіптік жаза қолданылды», делінген Талдықорған қалалық әкімінің баспасөз қызметі таратқан хабарламада.
