Аймақтар • 17 Наурыз, 2021

Жаңа ұсыныс: «Елбасы арена», Н. Назарбаев даңғылы

1753 рет
көрсетілді
1 мин
оқу үшін

Бүгін Семейдің зиялы қауым өкілдері Қарағайлы ықшам ауданындағы атаусыз көшеге Нұрсұлтан Назарбаевтың атын беру және осындағы мәдени-спорт кешенін «Елбасы Арена» деп атауды ұсынды.

Жаңа ұсыныс: «Елбасы арена», Н. Назарбаев даңғылы

Семей қалалық мәслихатында еліміздің атақты спортшылары мен еңбек сіңірген қайраткерлерінен, ардагерлерден, ғылыми және шығармашылық зиялы қауым, ҮЕҰ, БАҚ өкілдерінен, еріктілер қозғалысының белсенділерінен, жастардан, сондай-ақ ірі кәсіпорындар мен ауыл шаруашылығы құрылымдарының жетекшілерінен құралған бастамашыл топтың хаты қаралды.

Хатта Қарағайлы жаңа тұрғын ауданындағы атаусыз көшені Нұрсұлтан Назарбаев даңғылы деп атау туралы бастама көтерілді. Сондай-ақ, осы аудандағы мәдени-спорт кешенін «Елбасы Арена» деп атау ұсынылды.

Аталмыш бастама Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың мемлекетті қалыптастырудағы айрықша рөліне және Қазақстан Республикасы Тәуелсіздігінің 30 жылдығына орай көрініс тауып отыр.

Мәселе қалалық мәслихаттың тұрақты комиссиясының қарауына шығарылып, оған 10 мыңнан астам адам көзбе-көз және Zoom форматында қатысты. Жиын барысында қалалық және облыстық мәслихаттар депутаттары, ҚР еңбек сіңірген қайраткерлері, спорт қауымдастығының өкілдері сөз сөйлеп, ойларын ортаға салды. Қатысушылар пікірлерін назарға ала отырып, депутаттар бірауыздан осы мәселені қалалық мәслихат сессиясына шығаруды ұсынды.

Семей