Есіл ауданында орналасқан Chechil Pub барында 17 наурыздан 18-іне қараған түні бір уақытта 80 адам болған, бұл карантин режимін бұзу болып саналады. Сонымен қатар, бір үстелге 9-10 адам отырып, келушілердің әлеуметтік қашықтықты сақтамағаны белгілі болды.
Алматы ауданында мобильді топ Elite cyber sport компьютерлік клубын анықтады.
Кеше түнде Сарыарқа ауданында екі бұзушылық тіркелді: "Замандостар" кафесінің қызметкерлері жұмыс орнында бетпердесіз жүрсе, "Биньковский" бары сағат 00.00-ден кейін жұмыс істеді.
Карантиндік шаралардың бұзылғаны туралы материалдар әкімшілік жауапкершілікке тартылу үшін тиісті органдарға жіберілді.
Естеріңізге сала кетейік, 10 наурыздан бастап Нұр-Сұлтан эпидемиологиялық ахуал бойынша "қызыл аймаққа" енді. Карантиндік шектеулерді бұзушылықтарды анықтау және болдырмау бойынша мониторингтік топтардың жұмысы күшейтілген режимге ауыстырылды.
Жақында елорданың бас санитарлық дәрігері Сархат Бейсенова Нұр-Сұлтанда карантиндік шектеулерді қатайту туралы Қаулыға қол қойды. Оған сәйкес жексенбі күндері бірқатар кәсіпкерлік нысандарының жұмысына тыйым салынады. Құжат бүгін, 18 наурызда күшіне енді.
