Елорда • 19 Наурыз, 2021

Нұр-Сұлтанда биыл тағы бір проблемалы құрылыс аяқталады

12 рет көрсетілді

Нұр-Сұлтанда құрылысы ұзаққа созылған тағы бір құрылыс биыл аяқталады. Бұл туралы қала әкімі Алтай Көлгінов өзінің Instagram парақшасында жазды, деп хабарлайды Egemen.kz.

«Құрылысы ұзаққа созылған нысандар қаланың эстетикалық келбетін бұзады, жаңа нысандарды салу кезінде де белгілі проблемалар туғызады. Әрбір нысанның өз тарихы бар, бұл - адамдардың тағдыры. Осы жылдар ішінде пәтерін күтіп жүрген үлескерлердің балалары өсті, немерелері пайда болды, өкінішке қарай, пәтерін көрмей кеткендері де бар.

Мемлекет басшылығының тапсырмасына сәйкес үлестік құрылыс объектілерін аяқтау бойынша жүйелі әрі ауқымды жұмыстар жүргізудеміз. Осындай нысанның бірі - «Шығыс». Құрылысы ұзаққа созылған «Шығыс» тұрғын үй кешені бірнеше топтан тұрады. Үлескерлердің жалпы саны - 2 мыңнан астам отбасы. Бүгін осы нысанға бардым. Бұл - «Шығыс» тобының 1А, 1В, 2А, 2В, 3А, 3Б, 4А (бірінші кезегі) блоктары.

Барлық блоктарға қаржы бөлінді, қаржылық және техникалық аудит жүргізілді. Техаудит қауіпсіздікті қамтамасыз ету үшін өте маңызды: үйдің іргетасы мен жақтауының беріктігін тексеру қажет болды және т. б. Барлық блоктар бойынша мердігерлер анықталды.

Мысалы, 1А және 1В блоктарында қасбеттік жұмыстар жүргізілді, лифтілер мен терезелер орнатылды. Инженерлік желілер жүргізілді. Жұмысшылар ішкі безендіруге кірісті.

2А және 2В блоктарында үйдің жақтауы көтерілді. Сондай-ақ, шатыр салу жұмыстары аяқталды. Қазір терезелер мен лифтілер орнатылып жатыр.

3А және 3Б блоктарында үйдің қаңқасы мен шатыры бойынша ұқсас жұмыстар жүргізілді. Лифтілер мен терезелер орнатылады. 4А блогында (1 кезек) монолитті жұмыстар жүргізіліп жатыр.

Құрылыс жұмыстарын аяқтап, бұрын аталған тұрғын үй блоктарын биыл пайдалануға беруді жоспарлап отырмыз. Бір жарым жыл ішінде (2019 жылдың жазынан бастап) құрылысы ұзаққа созылған нысандар санын 2 есеге азайттық. Биыл тағы 7 мыңға жуық үлескерге баспана беріледі. Үлестік құрылыстың әрбір объектісі бойынша қадамдық іс-шаралар жоспары жасалды», деп жазды қала әкімі.

Соңғы жаңалықтар

Белградта белдеседі

Спорт • Бүгін, 09:06

Жапонияда сынға түседі

Спорт • Бүгін, 09:03

Ең бастысы – азаматтардың сенімі

Қазақстан • Бүгін, 08:43

Smart Zholy жеңімпаздары анықталды

Қазақстан • Бүгін, 08:36

Құнды қағазға қызығатындар көп

Экономика • Бүгін, 08:32

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар