Театр • 20 Наурыз, 2021

Опера түні бекзат өнерді сағынғандарға керемет көңіл күй сыйлайды

17 рет көрсетілді

Абай атындағы Қазақ ұлттық академиялық опера және балет театры «Хабар» агенттігімен бірлесіп, бекзат өнерді сүйетін қауымға арнап, Наурыз мерекесі қарсаңында тамаша сыйлық дайындады.

Мереке күндері «Хабар», Kazakh TV телеарналарында өтетін «Опера түні немесе Наурыз құтты болсын» атты тағы бір ауқымды жоба-кон­церттің түсірілімі аяқталды.

«Әлемдік классика ХХІ ғасырдың Наурызымен жарасымды үйлесім тапқан, ал нөмірлердің бірегей жар­қын қойылымдары жобаны танымал эстрадалық шоу сияқты ойын-са­уыққа толы және қызықты етеді. Біз­дің мақсатымыз – көрерменнің жо­ғары өнерге деген талғамын арттырып, оны отандық опера және балет сах­насының үздік орындаушыларымен таныстыру арқылы мерекелік көңіл күй қалыптастыру», дейді «Хабар» агенттігінің музыкалық про­дюсері Татьяна Лаврик.

Бағдарламаның жүргізушілері Андрей Трегубенко, Төлеген Ра­хым­баев және Ольга Спирина театр­дың концерттік залында ғана емес, сондай-ақ көрермендер бұрын бол­маған: оркестрлік орын, гримерлік бөл­мелер мен ноталық кітапханада болады. Түнгі фойеде: атақты «Гәкку» әнімен Күләш Байсейітова, Фигаро ариясын орындаған Ермек Сер­кебаев және Неморино образымен Әлібек Дінішев сынды танымал тұлға­лардың портреттері шырқайды, ал бұл музыкалық үзінділерді театр солистері сахнада жалғастырады.

«Кейіпкерлер театр қабырғала­рында Шарль Гуноның «Фауст» операсынан Мефистофель мен Джоаккино Россинидің «Се­виль­дік шаштаразынан» Фига­роны кездестіреді. Опера және балет труппасының жетекші солис­тері хор әртістерімен бірге симфо­ниялық оркестр әуенімен еліміздің бас театрының үлкен сахнасында ең танымал ариялар мен балет н­өмір­лерін орындайды. Концертте қа­зақ және шетелдік опера және балет классикасының жарқын хит­­тері шырқалады. Бұл – «Қыз Жі­бек», «Абай», «Біржан мен Сара», «Севиль­дік шаштараз», «Риголетто», «Фауст», «Иоланта» операларынан және «Дон Кихот» балетінен сах­наланған көріністер. Музыкалық нөмірлер сахнада және театрдың үлкен залында түсірілді. «Лакме» операсынан гүл дуэті әуенімен сахна үстінен әуе гимнастары қалықтайды.

– «Опера түні немесе Наурыз құтты болсын» жобасы біздің
театр үшін жаңа деңгей, ол театрды басқа қырынан ашуға және көр­сетуге, сондай-ақ осындай қиын уа­қытта сүйікті көрерменмен байланыс орнатуға мүмкіндік береді. «Хабар» телеарнасына осы жобаны жүзеге асыру мүмкіндігі үшін зор алғысымды білдіргім келеді. Театр кәсіби ұжымдардан тұрады, бұл осы жобаны жоғары деңгейде дайындауға және жүзеге асыруға көмектесті, – дейді Абай атындағы ҚазҰАОБТ дирижері Нұржан Байбосынов.

Театрдың жетекші әртістерінің қаты­суымен түсірілген кішігірім сах­на­ларда махаббат туралы, Наурыз дәс­­түрлері туралы, өнер туралы әзіл-қалжыңы аралас қызықты дүниелер айтылады, олар телеконцерттің сюжет­тік желісіне үйлестірілген.

– Түсірілім күндері театр­да ға­жайып сәтті күтетін, кейде мис­тика­­лық атмосфераны құрайтын мере­келік көңіл күй орнады. Опера және балет театрының әртістері «Хабар» агенттігімен бірлесіп, қазақстан­дықтар үшін керемет сыйлық әзір­леді. Симфониялық оркестр, хор, балет әртістері, опера солистері көрер­мендерді асқақ өнердің ғажайып әлемі – дыбыстар мен жарық шешім­дерінің сиқырлы әлеміне жете­лейді. Симфониялық оркестрдің сүйе­мелдеуімен көрермендер әлемдік және Ұлттық опера және балет клас­сика­сының ең танымал туынды­ларын тыңдай алады. Музыка кез келген мерекенің және бәрі­міздің сүйікті Наурызымыздың ең таңдаулы сыйы болмақ, –  дейді Абай атындағы ҚазҰАОБТ дирижері Ербо­лат Ахме­дьяров,

Жобаны  жүзеге асыру бойын­ша шығармашылық топқа Лев Ма­риупольский (режиссер), Дмитрий Карабецкий (жарық суретшісі) және Дмитрий Си­нельников (дыбыс инженері) сияқты танымал мамандар енді. Бағ­дарлама қойылымының режиссері Наталья Кагадий, теле­түсірілім кезінде симфониялық оркестрге Нұр­­жан Байбосынов пен Ерболат Ахмедьяров дирижерлік етті.

 

АЛМАТЫ

 

Соңғы жаңалықтар

Қилы-қилы тағдырлар

Тарих • Бүгін, 19:30

Тозақтан өтсе де түңілмеген

Руханият • Бүгін, 18:00

Радист қазақ қыздары

Тарих • Бүгін, 17:10

Қарсы барлаушылар қаһармандығы

Руханият • Бүгін, 15:50

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Ұқсас жаңалықтар