Елорданың ТЖД сұрауы бойынша 2021 жылдың 23-24 наурызына қараған түні 5573 әскери бөлімнің 52 әскери қызметшісі апаттық-құтқару жұмыстарына және Нұр-Сұлтан-Аршалы, Нұр-Сұлтан-Қоянды тас жолындағы жедел жұмыстарға тартылды.
Белгі түскен сәттен бастап әскери қызметшілер 4 дана жоғары өтімділігі бар техникамен құтқару жұмыстарына кірісті. Нәтижесінде таңғы 5.00 шамасында қар құрсауынан 30 автокөлік және 50-ге жуық адам құтқарылды.Олардың арасында егде адамдар, әйелдер және балалар бар. Әскери қызметшілер сондай-ақ құтқарылған азаматтарды ыстық шай және бутербродтармен қамтамасыз етті.
