БҚО денсаулық сақтау басқармасы басшысының орынбасары Гүлнар Абдрахманова хабарлағандай, облыста коронавирустық инфекциядан 230 адам қайтыс болған.
- Науқастар аурудың ауыр және өте ауыр түрімен ауырады. Әсіресе, артериялық гипертензиясы, қант диабеті, жүректің ишемиялық ауруы бар егде және кәрілік жастағы адамдарда ауру өткір. Біз батысқазақстандықтарға барлық санитарлық нормалар мен бетперде режимін сақтауға және ЖРВИ алғашқы белгілері кезінде медициналық көмекке жүгінуге кеңес береміз, - деді Гүлнар Абдрахманова.
Ол 1 ақпаннан бастап БҚО-да COVID-19-ға қарсы вакциналау басталғанын еске салды. Бүгінгі таңда медицина қызметкерлерін «Спутник-V» вакцинасының бірінші компонентімен вакциналау аяқталды.
- 19 наурызда біз осы вакцинаны тағы 1000 дозада (І компонент) алдық, қазіргі уақытта вакциналау кесте бойынша жалғасуда. Жалпы мәліметтер бойынша, БҚО - да 4371 адам екпе алды, оның 786-сы-педагогтар, 199-ы-күш құрылымдарының қызметкерлері, - деп түсіндірді облыстық денсаулық сақтау басқармасы басшысының орынбасары.
БҚО санитарлық-эпидемиялық бақылау департаменті басшысының орынбасары Нұрлыбек Мұстаевтың айтуынша, оқушылар арасында жұқтыру оқиғалары да бар. Тек 3 тоқсанда осындай 393 факті тіркелді, ал 11-25 наурыз аралығында Орал қаласының 8 мектебінде 15 сыныпты және Тасқала ауданында бір сыныпты карантинге жабуға тура келді.
- Мереке күндері мониторингтік топтар кафеде отбасылық мерекелер өткізу жағдайларын анықтады, қазір әкімшілік құқық бұзушылықтар қарастырылуда. Бұған дейін сот шешімі бойынша бұқаралық іс-шараларды бірнеше рет өткізгені үшін бірнеше ойын-сауық мекемелерінің қызметі екі айға тоқтатылды. Наурыз айының басынан бастап бұзушылықтармен үш нысан анықталды, 787590 теңге сомасына 18 хаттама қаралды, - деп атап өтті Нұрлыбек Мұстаев.
