Қазақстан • 27 Наурыз, 2021

Барселона бизнес мектебінде Қазақстан тәуелсіздігінің 30 жылдығына арналған дәріс өтті

12 рет көрсетілді

Қазақстан Елшісі Константин Жигалов Еуропалық университеттің Барселона бизнес-мектебінде (EU Business School Barcelona) еліміздің тәуелсіздігінің 30 жылдығына арналған дәріс оқыды, деп хабарлайды Egemen.kz СІМ баспасөз қызметіне сілтеме жасап.

 

Қазақстандық дипломат аудиторияны Президент Қасым-Жомарт Тоқаевтың «Тәуелсіздік бәрінен қымбат» мақаласының негізгі ережелерімен таныстырды және Қазақстанның үш тарихи онжылдықтағы жетістіктерін егжей-тегжейлі сипаттады, олардың әрқайсысы мемлекет тарихында ерекше орын алады.

К.Жигалов елді озық державаға айналдыруда Тұңғыш Президентіміз - Нұрсұлтан Назарбаев зор үлес қосқанын атап өтті. Елші Елбасының негізгі сыртқы саяси бастамаларына егжей-тегжейлі тоқталып, оларды іске асыру барысымен таныстырып, Қазақстанның халықаралық беделін айтарлықтай нығайтты.

Аудиторияны елімізді одан әрі жаңғыртуға бағытталған Қазақстан басшылығының стратегиясы, Президенттің саяси реформаларының үш пакетінің дәйектілігі мен үйлесімді сипаты қызықтырды.

Дәріс тікелей интерактивті диалог түрінде жалғасын тапты, оның барысында К.Жигалов Германия, Нидерланд, Канада, Мексика, Ливан, Боливия студенттерінің, сондай-ақ бизнес-мектепте оқитын қазақстандық студенттердің үлкен тобының көптеген сұрақтарына жауап берді.

Олармен Наурыз мейрамына орайластырылған Елшінің жеке кездесуі өтті. Студенттер өздерінің еңбек күндері мен болашаққа жоспарлары туралы айтып берді. Сонымен қатар, Барселонадан басқа да Швейцария (Женева) және Германияда (Мюнхен) өз кампустары бар бизнес-мектептегі оқу процесінің деңгейі туралы жоғары пікір білдірді.

Қазақстанның Испаниямен білім беру саласындағы ынтымақтастығын нығайту дәл сол күні К.Жигаловтың Барселона университетінің басшылығымен кездесуі барысында талқыланды.

 

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар