Алматы қалалық Қоғамдық денсаулық сақтау департаментінің баспасөз қызметі баланың жансақтау бөлімінен мамандандырылған бөлімге ауыстырылғанын хабарлады.
Қазір науқастың жағдайы ауыр, бірақ тұрақты. Баланы жоспарланған аутодермапластикалық (тері алмастыру) отаға дайындауда, деп хабарлады бөлім.
Айта кетейік, 15 наурызда Алматыда жүк көлігі баламен әйелді қағып кеткен. Негізгі соққы 11 жасар қызға түскен. Оның бір жақ аяғы үзіліп кете жаздаған, алайда ақ халаттылар баланың өмірін аман алып қалуға бекінген.
