Аймақтар • 29 Наурыз, 2021

Заңсыз марал атқандар ұсталды

315 рет
көрсетілді
1 мин
оқу үшін

Жазаға тартылып жатқанымен, заңсыз аң ату тиылмай-ақ тұр.  27 наурыз күні Глубокое ауданының аумағында заңсыз марал аулағандар ұсталды, деп хабарлайды Egemen.kz

Заңсыз марал атқандар ұсталды

Шығыс Қазақстан облыстық орман шаруашылығы және жануарлар дүниесі аумақтық инспекциясы мамандары табиғатты қорғау мақсатында жүргізілген рейдтік іс-шаралар кезінде табиғат қорғау полиция бөлімі инспекторларымен және «Черная Уба» аңшылық шаруашылығы директорымен бірлесіп, резервтік қордағы «Коровиха» аңшылық шаруашылығы аумағынан екі маралдың қалдықтары, екі терісі мен бас- сирақтары табылды.

Рейдтік шара кезінде Риддер қаласының екі тұрғынынан 35 кг мөлшерінде ет, тіркелмеген 16 калибрлі «ТОЗ» маркалы қос ауызды, тегіс ұңғылы, шүріппелі мылтық және 16 калибрлі 2 оқталған патрон тәркіленді.

Аталған факт ҚР Қылмыстық кодексінің 337 бабының 1 бөлімі бойынша тіркелді. Қазіргі уақытта сотқа дейінгі тергеу жүргізіліп жатыр.