Әлем • 31 Наурыз, 2021

12 жастағы бала TikTok-тағы челленджге қатысып, комаға түсіп қалды

2006 рет
көрсетілді
1 мин
оқу үшін

Колорадо штатының жас тұрғыны TikTok-тағы Blackout Challenge-ге қатысып, соңы қайғылы жағдайға ұласып есін жоғалтқан, деп хабарлайды Egemen.kz

12 жастағы бала TikTok-тағы челленджге қатысып, комаға түсіп қалды

Blackout Challenge ойынының негізгі мақсаты – жасөспірімдер есін жоғалтқанға дейін өз-өзін тұншықтырады. Соның бәрін камераға түсіріп, әлеуметтік желіге жүктейді. Америкалық FoxNews басылымы хабарлағандай, 12 жастағы Джошуа Хейлиесустың ағасы оны 22 наурыз күні жуыну бөлмесінде есінен танып жатқан жерінен тауып алады. Жеткіншек челленджге қатысу үшін сымды қолданған.

Дәрігерлердің айтуынша, баланың қазіргі жағдайы көңіл көншітерлік емес. Олар оқушыға «мидың өлімі» деген диагноз қойды.

Жеткіншек өлім аузында тұрса да, оның отбасы одан үміттерін үзбейтінін айтады. Джошуаның әкесі барлық жергілікті телеарналардан жасөспірімдерге үндеу жасап, мұндай қауіпті челлендждерге қатыспауларын сұрады.