Фото авторы: Максим Золотухин
Білім және ғылым министрлігіне қарасты «Сейсмологиялық тәжірибе-әдістемелік экспедициясы» ММ-нің сейсмикалық стансалар желісі 2 сәуір күні Алматы уақытымен 13 сағат 36 минут 23 секундта жерасты дүмпуін тіркеді.
«Жер сілкінісінің ошағы Алматы қаласынан оңтүстік-шығысқа қарай 280 шақырым қашықтықта орналасқан. Қытай аумағындағы Жер сілкінісінің энергетикалық класы – 9.7, магнитудасы – 4.2. Жерасты дүмпуі 15 километр тереңдікте болды. МSК-64 шкаласы бойынша жер сілкінісі Алматы қаласында сезілген жоқ», делінген хабарламада.
