Елбасы «Самұрық-Қазына» -ауқат қорының төрағасын қабылдады

Елбасы • 07 Сәуір, 2021

Елбасы «Самұрық-Қазына» әл-ауқат қорының төрағасына бірқатар тапсырма берді

45 рет көрсетілді

Қазақстанның Тұңғыш Президенті «Самұрық-Қазына» ұлттық әл-ауқат қоры» акционерлік қоғамы басқармасының төрағасы Алмасадам Сәтқалиевті қабылдады, деп хабарлайды Egemen.kz Елбасының ресми сайтына сілтеме жасап.

Айым ДӘУІТ

Кездесуде Нұрсұлтан Назарбаевқа ұлттық әл-ауқат қорының былтырғы және 2021 жылдың бірінші тоқсанындағы жұмыс нәтижелері, сондай-ақ «Самұрық-Қазына» қорын басқару жөніндегі кеңестің отырыстарында берілген тапсырмалардың орындалу барысы туралы ақпарат берілді.

– «Самұрық-Қазына» қоры 2020 жылды табысты аяқтады. Былтыр Қор компанияларында қызметкерлердің саны айтарлықтай қысқартылған жоқ, үздіксіз өндірістік процесс сақталды. 2020 жылдың қорытындысы бойынша Қор активтерінің құны 13,9 триллион теңгеге жетті, – деді Нұрсұлтан Назарбаев.

А.Сәтқалиев Елбасына Қорды инвестициялық холдинг ретінде қайта құру шаралары және алдағы негізгі басымдықтар туралы баяндады.

Қазақстанның Тұңғыш Президенті Қор еліміздің ұлттық байлығы екеніне тоқталып, оның активтерін барша халықтың игілігі үшін еселеу жұмыстарын жалғастыру қажеттігін атап өтті.

– Аз уақыт ішінде Қор жұмысын жандандырып, шұғыл шаралар қабылданды. Стратегиялық маңызы бар салалар қалыпты жұмыс істеп тұр. 2020 жылы Қор мемлекеттік бюджетке 870 миллиард теңге аударды, – деді Нұрсұлтан Назарбаев.

Сондай-ақ Елбасы Қор компанияларының тиімділігін одан әрі арттыру үшін нақты шаралар қабылдаудың маңыздылығын айтты.

Кездесу соңында Ұлттық әл-ауқат қорын басқару жөніндегі кеңестің Төрағасы Алмасадам Сәтқалиевке бірқатар нақты тапсырма беріп, жемісті әрі табысты жұмыс істеуіне тілектестігін білдірді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз