Экономика • 08 Сәуір, 2021

Кәсіпкерлер тігін фабрикасын қайта жандандыруға кірісті

158 рет көрсетілді

Ақтөбелік  кәсіпкерлер 1990-шы жылдардың соңында жабылып қалған тігін фабрикасының жұмысын қайта жандандыруға кірісті, деп хабарлайды Egemen.kz.

Жекешелендіру жылдары ғимараты сатылып, қызметкерлері де жан-жаққа тарап кетіп, атауынан басқа ештеңесі қалмаған кәсіпорынның аяқтан тұруы үшін қолда бар мүмкіндіктер  іске асырылып жатыр. Ақтөбе қаласының ортасынан  ғимарат жалға алынып, заманауи жабдықтар сатып алуға «Даму» кәсіпкерлікті қолдау қоры өңірлік филиалының кепілдендіруімен несие алынды. Бүгінде фабрикаға іріктеу негізінде 50 тігінші  жұмысқа қабылданып, алғашқы өнімдері сатылымға шығарыла бастады. 

Цехта  тігілген жейделер, футболкалар мен балалардың жаздық киімдері қаладағы «Fiesta», «Арзан», «Шыгыс» базарында, «Дина» гипермаркетінде сатылымда тұр.  Жұмысын бастағанына бір ай да толмаған  тігін фабрикасының  ішкі рыноктағы жеңіл өнеркәсіп тауарларының арасынан өз орнын табуы оңайға түспейтінін кәсіпкерлер жасырмайды. Мәселен, Қытай, Түркия, Қырғызстанның жеңіл  өнеркәсіп өнімдерінің Ақтөбе облысындағы импорты жыл сайын 10 миллион АҚШ долларын құрайды. Ақтөбе облысының  тоқыма және тігін өнеркәсібінің ішкі рыноктағы болар-болмас үлесі ательелер түріндегі  шағын цехтармен ғана шектелген. Соңғы кездері Түркіменстанның тоқыма өндірісінің бұйымдары мен Өзбекстан тауарлары да көптеп түсіп жатыр.

в

Тоқыма, тігін бұйымдарының өндірісі  жұмыссыздықты азайтудың ең негізгі жолы болып саналады. Осы сала жанданса, тігіншілік кәсіппен тұрақты табыс табатын  қыз-келіншектердің үлесі де жоғарылайды. Соның бір мысалы, кәсіпкерлік негіздерін оқып, киім тігуде тәжірибе жинақтаған 50 тігінші мен киім пішушінің іріктеу негізінде тігін фабрикасына жұмысқа орналасқаны. Тауар айналымы артып, жұмыс көлемі көбейсе  тағы да  жүздеген адамға жұмыс тауып береміз деп уәде етіп отыр фабрика басшылығы.  Алдағы уақытта жұмысқа  дизайнер мамандығына оқып жатқан колледж студенттері қабылданады деп жоспарланған. Маталарды іріктеу, киімдерді тарату-сату желілеріне де қызметкерлер керек.

Еліміздің ішкі рыногын көп жылдардан бері жаулап алған  Қытай, Өзбекстан, Қырғызстан тауарларын сатып алуға  өзімізден қаншама қаржының  кетіп жатқаны өте өкінішті. Көршілеріміз жеңіл өнеркәсіптің осы саласын әлдеқашан экономикаларының  қозғаушы күштеріне айналдырып алды. Мәселен, Қырғызстан мен Өзбекстанда барлық тұрғындардың 20%-ы осы салада еңбек етеді. Қазіргі жағдайда еліміздегі тоқыма және тігін өндірісі шағын цехтардың іріленуі  және тікелей мемлекеттік бағдарламалардың қолдауы арқылы ғана аяқтан тұра алады.

Соңғы жаңалықтар

QazVac Қырғызстанға жеткізілді

Қазақстан • Бүгін, 22:40

9 ай «толғатқан» 9 пайыз

Экономика • Бүгін, 22:33

Көзі тірі классикке құрмет

Әдебиет • Бүгін, 22:21

Қасиетті Нарын поэтикасы

Аймақтар • Бүгін, 22:05

Жақсыдан қалған жәдігер

Тарих • Бүгін, 21:57

Алматыдағы ахуал күрделі

Аймақтар • Бүгін, 19:45

Балалар Ashyq жүйесіне енгізіле ме?

Қазақстан • Бүгін, 19:20

Шымкентте карантин күшейтіледі

Аймақтар • Бүгін, 15:47

Атом көлге сапар

Аймақтар • Бүгін, 15:37

Қазақстанда жаңа телеарна ашылды

Қазақстан • Бүгін, 11:55

Ұқсас жаңалықтар