Естеріңізге салар болсақ, былтыр күзде қала тазалығына жауапты мамандар көшелер мен гүлзарларға 1 млн-нан аса қызғалдақ еккен болатын. Бүгінде қаланың логотипі, ұлттық ою-өрнектер мен геометриялық кескін пішінінде егілген көшеттер гүлдеп тұр.
Сала мамандарының пікірінше, «көктем сұлулары» бір айға жуық уақыт бойы гүлдеп тұрады. Содан кейін жазға қарай орнына басқа гүлдер егіледі. Жаздық гүлдер де көгалдардың, субұрқақ кешендері мен қала көшелерінің көркін аша түспек.
Айта кетерлігі, әлемде қызғалдақтың 3 мыңнан астам түрі бар. Оның ішінде 75-ке жуығы жабайы және кең жайылған 150 түрі кездеседі. Елімізде қызғалдақтың 30-дан астам түрі болғандықтан, Қазақстан – қызғалдақтың Отаны болып есептеледі.
ШЫМКЕНТ
