Қоғам • 10 Сәуір, 2021

Аида Балаева журналистермен этносаяси сауаттылықты дамыту қажеттілігін талқылады

18 рет көрсетілді

Нұр-Сұлтан қаласында 9 сәуір күні Ақпарат және қоғамдық даму министрлігінің ұйытқы болуымен «Этносаяси сауаттылықты арттыру» тақырыбында семинар өтті, деп хабарлайды Egemen.kz министрліктің баспасөз қызметіне сілтеме жасап.

БАҚ өкілдеріне арналған семинарының пленарлық отырысына Ақпарат және қоғамдық даму министрі А.Балаева қатысты.

Министр қатысушыларға арналған алғашқы сөзінде мемлекеттің салиқалы саясаттың арқасында әлемде Қазақстанды бейбітшілігі мен келісімі бар ел ретінде танитындығын атап өтті.

«Қазақстан халқының бірлігін, елдегі бейбітшілік пен қоғамдық келісімді қамтамасыз ету биліктің барлық деңгейлеріндегі мемлекеттік саясаттың басымдығы болып қала береді», деп атап өтті А.Балаева.

Сонымен қатар ол этносаралық сала проблемаларын саясиландыру әрекеттері байқалып отырғанын атап өтті.

1

Министр семинар қатысушыларының назарын Қазақстандағы этносаралық қатынастардың үйлесімді дамуына БАҚ-та этносаралық салаға байланысты оқиғаларды жөнді жариялау үлкен ықпал ететініне аударды.

БАҚ өкілдерімен ашық пікір алмасу барысында министр ҚР АҚДМ этносаралық қатынастарды дамыту саласында жүргізіліп жатқан жұмыстар бойынша бірқатар сұрақтарға жауап берді.

Министр этносаралық қатынастарды дамыту саласында журналистердің арнайы пулын құруды ұсынды. «Әрбір БАҚ-та этносаралық саланы баяндайтын журналистті анықтау қажет». Ол Министрліктің ақпарат беруде олармен тұрақты өзара іс-қимыл жасауға, оқыту жүргізуге дайындығын білдірді.

Соңғы жаңалықтар

Ұқсас жаңалықтар