Оқиға • 10 Сәуір, 2021

Киік мүйізінің 293 данасы тәркіленді

18 рет көрсетілді

Нұр-Сұлтан қаласының ПД қызметкерлері киік мүйізінің ірі партиясын тәркілеу бойынша арнайы операция өткізді, деп хабарлайды Egemen.kz ІІМ баспасөз қызметіне сілтеме жасап.

«Биылғы жылдың 9 сәуірінде киік мүйізінің ірі партиясын сату кезінде ірі қылмыстық топ ұсталды. Арнайы операция Қарағанды облысы ПД-мен бірлесе жүргізілді. Олар 55, 52 және 44 жастағы екі елорда және бір Қарағанды облысының тұрғындары болып шықты. Нұр-Сұлтанда тұратын олардың екеуі елордадан киік мүйіздерін сату нарығын іздеп, кейіннен Қарағанды облысының аумағында сатпақшы болған. Ұстау кезінде 293 дана мүйіз тәркіленді (ірі партия)», делінген хабарламада.

Мемлекетке алдын ала келтірілген шығын көлемі әзірге шамамен 500 миллион теңге деп есептеліп отыр.

«Күдіктілердің тұратын жері мен олардың байланыстарының алты мекенжайы бойынша бір уақытта тінту жүргізіліп, айғақ заттар мен дәлелдемелер алынды. Сонымен қатар, есірткі заттары тәркіленді. Аталған факті бойынша ҚР ҚК-нің 393-бабы бойынша қылмыстық іс қозғалды», дейді ІІМ-нен.

Қазір барлық күдіктілер уақытша ұстау изоляторына қамалып, тергеу жүргізіліп жатыр.

Соңғы жаңалықтар

Ұқсас жаңалықтар